Drejtoria e Shërbimeve Publike dhe Emergjente në Komunen e Drenasit po vazhdon aktivitetin për futjen në sistem të menaxhimit të mbeturinave edhe në fshatrat përreth. Vetëm në vitin e kaluar kjo Drejtori në partneritet me GIZ-in gjerman ka arritur që të fus në këtë sistem dy fshatra Tërstenikun dhe Komoranin, kurse këtë vit kontinjeret janë shpërndarë në Vërboc dhe Kishnarekë.
Ndërsa deri në perfundim të vitit kontinjerët për ekonomi familjare do të shpërndahen edhe në fshatrat Nekoc dhe Damanek. Shërbimi për këto fshatra kryhet derë më derë dhe e kanë të caktuar diten e mbledhjes së mbeturinave nga kompania "Pastrimi". DSHPE për herë të parë ka planifikuar projektin për blerjen e kontinjereve në vlerë prej 30 mijë euro, projekt ky që është miratuar në KK dhe do të implementohet në vitin e ardheshëm. Sipas dr.Hyrije Xhemajlaj -THaqi problemin kryesor e kemi me qendren në banimet kolektive dhe në ato fshatra ku kryhet shërbimi por qytetarët nuk kanë pranuar të hynë në kontratë me kompaninë, kjo edhe bënë që të krijohen deponi ilegale edhe në ato vende ku kryhet shërbimi, një rast të tillë e kemi me laxhen e Xhamisë në Drenas dhe në fshatin Zabel ku në të dy rastet është larguar deponija dhe është vendosur shenja që sinjalizon moshedhjen e mbeturinave. Kjo Drejtori kërkon nga qytetarët që të pranojnë këtë shërbim me qëllim që të ruajmë pastërtinë në qytetin tonë dhe të menjanojmë krijimin e deponive të egra të mbeturinave.
