Kryetar i Komunës së Drenasit priti sot zëvendëskryeministren dhe ministre e MTI-së, z-njen Mimoza Kusari –Lila dhe Kryeshefin Ekzekutiv të Agjencisë për Mbështetjen e NVM, z. Granit Berisha. Të dyja palët dhanë vlerësimin për marrëdhënie të mira e në nivel të kënaqshëm midis dy institucioneve që ata drejtojnë. Me Drenasin ne kemi raporte të veçanta –theksoi zonja Kusari në fillim të fjalës së saj, duke u ndërlidhur edhe me çështjen e produkteve nga Serbia nën firmën UNMIK/Kosovo, për të cilat tha se duhen ndaluar.
Në vazhdim ministrja Kusari hapi edhe temat për të cilat sot është drejtuar në këtë komunë, si nevojën e vendosjes së inspektorëve që do të kalojnë nga viti i ri nën përgjegjësinë e kësaj ministrie, po do të kryejnë punë e detyra në komunën e Drenasit. Inspektorati do të konsolidohet në raport me dispozitat e reja ligjore –tha ajo.
Një problem më i madh në relacion me projektin e përbashkët Parku i Biznesit i Drenasit është ai i vonesës së kryerjes së impiantit për ujërat e zeza në Korraticë të Epërme nga pengesat teknike që kanë sjellë individë me pronat nëpër të cilat instalohet tubacioni i kanalizimit, që do të jetë në funksion edhe të fshatit, përveç Parkut të Biznesit. Ky projekt rrezikon të dështojë shpejt nëse nuk eliminohen këto pengesa që po ndodhin me vite. Kërkesat e një pronari janë plotësisht të papranueshme dhe joreale, kurse ne jemi të gatshëm të kompensojmë vetëm dëmet bujqësore –theksoi kryeshefi Berisha. Ndryshe, jemi të detyruar ta zhvendosim trasenë e kanalizimit në fjalë. Punëkryrësi ka marrë avansin e punëve që duhej kryer mjaft kohë më pare. Ministrja Kusrai tha se janë duke shikuar rekomandimet e komunave për zgjatjen e afatit të shfrytëzimit të pronave –tokës së komunave për investitorët.
Kryetari Nexhat Demaku theksoi se këto ditë ka qëndruar në Parkun e Biznesit dhe aty ka marrë disa nga kërkesat e bizneseve, si nevoja e furnizimit me rryme elektrike, ujë dhe rregullimin e ujërave të zeza, të cilat janë pengesa për zhvillimin e veprimtarisë së tyre. Ndërsa ne nuk jemi për dështimin e projektit për kërkesat jashtë arsyes të ndonjë pronari prone, por as për nevojën e devijimit të trasesë së impiantit. Mirëpo, ka pasur lëshime edhe në faze të mëhershme të projektit me furnizim me ujin.
Temë tjetër qe dhe ajo rreth “Feronikelit”, drejtues të të cilit kanë shfaqur brenga rreth rritjes së shkallës së taksës për shkritoren nga komuna, ndërkaq që nga komuna e Lypjanit, ku ka vetëm një minierë, ngarkohet më shumë se nga vetë kjo e Drenasit, ku është edhe shkritorja. Kryetari Demaku tha se lidhur me shqetësimet, ne kemi më shumë vite për këso problemesh. Ne jemi të gatshëm të shqyrtojmë të gjitha problemet e nevojshme që lidhen me interesat zhvillimore të qytetarëve të komunës sonë. Fatmir Istogu, kryesues i KK ceku se “Feronikeli” ka pretenduar të jetë vetë Komuna e ne të punojmë për të. Vetëm tani ka filluar të punojë për të zvogëluar ndotjen e ambientit.
Edhe për Strabagun nga Austria (këtu i njohur me emrin Mineral) u tha se nuk na vjen mire nëse marrin vendim për t’u tërheqë nga Kosova, sepse është firmë e madhe, por ne nuk mund të ndërhyjmë në ofertat më të shtrenjta të tyre gjatë konkurrencës për të marrë punë, si në rrugë magjistrale etj. edhe pse do të dëshironim të merrnin punë me besimin që kemi tek ata për punë të mirë.
Pas këtij takimi në komunë, bashkëbiseduesit shkuan në “Feronikel” për të inspektuar zhvillimet në fabrikë.
