Drejtoresha e Shërbimeve Publike dhe Emergjencë, z. Hyrije Xhemajlaj-Thaqi ka inspektuar punimet në vendosjen e shenjave të lajmërimit të rrezikut në zonat të cilat paraqesin rrezik për qytetarët.
Këto lokacione janë identifikuar paraprakisht nga zyrtarët e DSHPE-së, Inspektoriati i Ambientit dhe nga përfaqësues të Stacionit Policor në Drenas. Pas koordinimit me këta akter është obliguar kompania N.SH. “Liriu” që të vendos shenjat në të gjitha këto lokacione. Deri më tani janë vendosur 18 shenja që sinjalizojnë “rrezik të përgjithshëm” me qëllim që të jenë një sinjal i rrezikut për qytetarët që mund të frekuentojnë këto zona.
Hapja e shumicës së këtyre lokacioneve është qysh prej pasluftës ku me qëllim të përfitimit nga kompani dhe individë të papërgjegjshëm nuk i kanë kthyer në gjendje të mëparshme të rrafshimit ato zona.
