Komuna e Drenasit, përkatësisht Drejtoria e Shërbimeve Publike dhe Emergjencë është duke e realizuar projektin për rregullimin e varrezave në Komunën e Drenasit, ku deri më tani kanë përfunduar rregullimi i tyre në disa lokalitete.
Drejtoria e Shërbimeve Publike dhe Emergjencë ne kuadër të Planit te Punës është duke e realizuar projektin "Rregullimi i Varrezave në Komunën e Drenasit". Për realizimin e këtij projekti janë kontraktuar dy kompani dhe se shpejti do te përfundoi në lokalitetet e caktuara. Deri tani ky projekt është realizuar në këto lokalitet dhe vend varreza: Poklek i Vjetër, ku rregullimi është bërë ne tërësi; renovimi i Lapidarit të Heroit Rasim Kiçina dhe dëshmorit Ragip Halilaj në Arllat; ka përfunduar rrethoja , pastrimi dhe renovimi i Lapidarit ne Arllat; është finalizuar projekti te varrezat ne Çikatovë të Vjetër; rregullimi i varrezave ne Gllobarë; pastrimi i varrezave ne Negroc dhe Çikatovë e Re; punimet janë duke vazhduar edhe ne rregullimin e varrezave ne Abri dhe Komoran IV. Drejtoresha e Shërbimeve Publike, znj.Hyrije Xhemajli – Thaçi, tregon se në drejtorin që ajo drejton ka kërkesa te shumta nga qytetaret për rregullimin dhe mirëmbajtjen e varrezave si dhe ndërtimin e lapidareve, mirëpo buxheti aktual është tepër i vogël për realizimin e të gjitha kërkesave ne teren. Vlen te theksohet se DSHPE është duke përgatitur rregulloren për menaxhimin e varrezave ne Komunën tonë ku për implementimin e saj ne teren duhet edhe përkrahje financiare.
