Vazhdon ndalimi i qarkullimit nga ora 17: 00 deri në ora 06:00 e mëngjesit
Kryetari i Komunës së Drenasit, Ramiz Lladrovci, mbrëmë ka pranuar vendimin e Ministrisë së Shëndetësisë lidhur me orarin e ndalimit të qarkullimit të qytetarëve dhe veturave private.
Në këtë vendim për Komunën e Drenasit, vazhdon ndalimi i qarkullimit të qytetarëve dhe veturave nga ora 17:00 deri në ora 06:00 të mëngjesit.
Ndonëse Kryetari Lladrovci, nuk është pajtuar me këtë vendim të ministrit Vitia, sepse ndalim qarkullimi duhet të jetë i njëjtë me të gjitha komunat, megjithatë ka ftuar qytetarët e Komunës së Drenasit të respektojnë këtë vendim për ndalim qarkullim, ndërsa edhe për kohën e lejimit të lëvizjes, ka kërkuar që të mos lëvizin pa nevojë.
Kryetari Lladrovci ka falënderuar gjithë qytetarët e Komunës së Drenasit për kontributin e tyre në kufizimin e lëvizjeve dhe ka apeluar që të vazhdojnë me këtë disiplinë të lëvizjeve, duke reduktuar daljet e pa nevojshme, në mënyrë që të përballojmë sa më lehtë këtë sfidë.
Komuna e Drenas, fatmirësisht ende nuk ka asnjë rast të konfirmuar me virusin COVID-19.
Panik Jo, Kujdes Po!
