Në Komunën e Drenasit, fushata e korrje-shirjes është duke vazhduar me intensitet të plot dhe po shkon drejt përmbylljes, ndërsa rendimentet sillen nga 3500 deri ne 4000 kilogram për një hektar grurë. Drejtori i Bujqësisë dhe Zhvillimit Ekonomik, Skender Hasi ka treguar se fushata e korrje-shirjes është duke vazhduar me intensitet të plot dhe se nga 4300 hektar të mbjellura me grurë ne territorin e Komunës së Drenasit, deri me tani janë korrur mbi 3500 hektar. DBZHE ka formuar komisionin i cili është i angazhuar të monitoroj fushatën dhe sipas raportit të këtij komisioni, fushata e korrje-shirjes është duke shkuar mjaft mirë. Rendimentet për një hektar gruri sillen nga 3500 deri në 4000 kilogram. Janë të angazhuara afro 100 autokombajna, prej tyre 78 të Komunës së Drenasit. Çmimi i caktuar prej 110 eurove për një hektar grurë,sipas drejtorit të DBZHE-së, Skender Hasi është duke u respektuar ne përpikëri nga autokombanjeret. “Nëse nuk do të këtë reshje të shiut, pritet që ne tersi fushata të përmbyllet në mesin e javës”, ka thënë Hasi.
