Drejtoria për Sherbime Publike dhe Emergjencë është duke realizuar projektin për renovimin e rrugëve të asfaltuara me çrast është bërë identifikimi i rrugëve të dëmtuara në territorin e komunës tonë.
Sipas Drejtoreshës, znj Hyrije Xhemajlaj-Thaqi, renovimi ka filluar fillimisht në qendër ku frekuentimi është më i madh dhe do të vazhdohet edhe në rrugët tjera, ku gropat paraqesin rrezik për vozitësit, aty ku është më shumë e nevojshme meqë është e pa mundur të intervenohet në të gjitha rastet e identifikuara për shkak se kemi kufizim të buxhetit. Vlen të theksohet se në disa raste ku kemi vendkalim të hekurudhave kemi edhe dëmtim të rrugëve të cilat pas intervenimeve po shkakton telashe edhe për qytetarët të cilët lidhen në ato vendkalime.
Këtë vit për këtë projekt kjo Drejtori ka të miratuara 20 mijë € e ndërsa nevoja për intervenim është shumë më e madhe.
