Filloi faza e tretë e projekteve të Komunës së Drenasit në bashkëfinancim me USAID-in dhe Ujësjellësin
Komuna e Drenasit në bashkëpunim me USAID-in, përkatësisht programi për Infrastrukturë të Ujit dhe Sanitacionit (SIWS) ka filluar fazën e tretë të zbatimit të projekteve në Komunen e Drenasit siç është paraparë me nënshkrimin e Marrëveshjes së Mirëkuptimit.
Për fazën e tretë janë paraparë këto projekte:
1. Ndërrimi i Gypit Drenas (prej hyrjes së Feronikelit – Drenasi i Ri) për furnizimin e Komoranit;
2. Rrjeti shpërndarës për Zabel të Epërm, dhe
3. Vendosja e gypit për furnizimin e pavarur të rrokaqiejve dhe parcelave të ndara për familjet e Dëshmorëve në Drenas të Ri.
Programi SIWS ka përfunduar rrjetin shpërndarës për Komoran I dhe II, dhe ka angazhuar kontraktorin e kualifikuar të SIWS-it, Kompaninë “Muratori” i cili e ka bërë instalimin e gypit prej Fabrikes së ujit deri te Feronikeli për vazhdimin e instalimit të gypit tani prej Feronikelit deri te Drenasi i Ri dhe është caktuar një person nga Komuna jonë për mbikqyrjen e zbatimit të projekteve të SIWS-it. Mjetet e financimit të projektit për sistemin e furnizimit me ujë për Komoranin I dhe II janë ndarë deri më tani 1,068,664 euro, përfishirë këtu dizajnin dhe zgjerimin e kapaciteteve të fabrikës së ujit në Drenas.
