Në kuadër të bashkëpunimit me GIZ-in, Komuna e Drenasit përkatësisht Drejtorati për Shërbime Publike dhe Emergjencë sot ka pranuar kontigjentin e radhës prej 500 shportave 120 litrash të dhuruara nga kjo organizatë.
Sipas Drejtoreshës së Shërbimeve Publike dhe Emergjencë, Hyrije Xhemaljaj – Thaqi ky donacion ka ardhur fal bashkëpunimit të mirë që ka kjo organizatë me Komunën dhe si rezultat i suksesit që është arritur me dy bashkësi, atë të Tërstenikut dhe të Komoranit, me ç’rast falenderojmë qytetarët për gatishmërinë e treguar me qëllim të implementimit të suksesshëm të këtij pilot-projekti në këto dy bashkësi. Po ashtu Komuna do të filloj implementimin edhe në dy fshatra tjera me qëllim të mbulimit të fshatrave me shërbimin e mbledhjes së mbeturinave. Me këtë rast kërkojmë nga të gjithë qytetarët të jenë bashkëpunues me organet komunale dhe kompaninë ”Pastrimi” më qëllim të parandalimit dhe formimit të deponive ilegale dhe hedhjen e mbeturinave në hapsira publike.
