Njësia komunale për të Drejta të Njeriut, në bashkëpunim me shoqatën e Gruas "Drena", të mërkurën kanë organizuar një tryezë për të përmbyllur aktivitetin e ditës ndërkombëtare për eleminimin e dhunës ndaj gruas ku për 16 ditë janë mbajtur aktivitete të ndryshme për parandalimin e kësaj dukurie.
Hapjen e kësaj Tryeze e bëri përfaqësuesja nga shoqata "Drena", Zymrie Qorri, ndërsa pjesëmarrës në debat për të prezantuar fakte dhe statistika si dhe për t’u përgjigjur pjesëmarrësve mbi Dhunën në familje, kanë marrë pjesë; përfaqësues nga Policia e Kosovës- Komandanti i Policisë, Driton Morina, Njësiti për Dhunë në Familje-Nazmije Rrukiqi, Gjykata Komunale Drenas, Qendra për punë Sociale, OJQ-të nga Drenasi, drejtor të Drejtorive Komunale, përfaqësuses të mediave lokale dhe organizatorja e kësaj tryeze Zahrie Podrimqaku-Subashi, kordinatore e Njësisit për të drejtat e njeriut nga Komuna e Drenasit. Ky debat sot ka përmbyllur fushatën 16 ditore të Komunës së Drenasit kundër dhunës në familje.
