Sot, në Komunën e Drenasit u mbajt një takim me fermerë, ku u diskutua rreth themelimit dhe funsionimit të tregjeve mobile në sheshin kryesor të kryeqytetit tonë si dhe lokacionet tjera, ku fermerët do të shesin prodhimet e tyre.
Drejtori i DBZHE, z. Skender Hasi, theksoi se përmes këtij tregu mobil të fermerëve në Prishtinë synohet përmirësimi i furnizimit me plasmanin e produkteve vendore me qëllim të mbështetjes se prodhuesve tanë, që në tryezat të konsumojmë sa më shumë produkte vendore.
Koordinatorja e këtij projekti znj. Majlinda Muzeliu njoftoj fermerët me specifikat e këtij projekti të financuar nga KE duke potencuar se ky model i tregjeve mobile funksionon me sukses në Europë.
Tregjet mobile do të vendosen në 9 lokacione më të frekontuara të Prishtinës ku do t’u jap mundësi qytetarëve të kenë qasje më të lehtë për blerjen e prodhimeve bujqësore vendore të cilat janë më të freskëta, të shëndetshme dhe më afër konsumatorëve.
Fermerët përshëndetën këtë projekt dhe gatishmërin e tyre që me prodhimet e tyre të jenë pjesë e këtij projekti.
