Kryetari i Komunës së Drenasit, z. Nexhat Demaku ka takuar përfaqësuesit e Misionit të Bashkimit Evropian, nga të cilët ka marrë vlerësime pozitive për punën e Komunës së Drenasit. Në këtë takim përmbyllës me Stig Skivbo dhe Tasil Lund, vëzhguesit në procesin zgjedhor nga misioni i BE-së në Kosovë, kanë vlerësuar Zgjedhjet e 3 Nëntorit në Komunën e Drenasit si të qeta dhe demokratike. Ndërsa kanë vlerësuar edhe të arriturat e Komunës në mandatin qeverisës të Kryetarit Demaku.
Kryetari Demaku ka falenderuar përfaqësuesit e BE-së për punën që kanë bërë në monitorimin dhe angazhimin në procesin e zgjedhjeve. “Vlerësoj dhe çmoj punën dhe angazhimin tuaj që keni dhënë në këtë proces të rëndësishëm për vendin tonë” ka thënë Demaku. Kryetari Demaku ka shtuar se mbledhja e legjislacionit të ri për Komunën e Drenasit, do të mbahet brenda afatit ligjor të konstituimit dhe do të njoftohen përfaqësuesit e BE-së si dhe të gjithë mekanizmin vendor dhe ndërkombëtar.
Misioni i BE-së për vëzhgimin e zgjedhjeve në Drenas përmbylli punën në Komunën tonë.
