Kryetari i Komunës, z. Nexhat Demaku dhe disa Këshilltarë Komunalë u takuan me Këshillin Organizativ të Protestave njëherësh përfaqësues të Lagjeve të Drenasit , ku më pas u takuan me menaxherët e Kompanisë “New Co Feronikeli”, u bisedua rreth një shpërthimi që ka ndodhur në “Feronikel” të mërkurën në orët e mbrëmjes, ku nga frika banorët e shtëpive përreth kishin dalur jashtë dhe më pas ishin mbledhur para dyerve të “Feronikelit”.
Kryetari Demaku, Këshilltarët Komunal dhe Këshillin Organizativ të Protestave njëherësh përfaqësues të Lagjeve të Drenasit shprehen shqetësimin e qytetarëve të Drenasit, mirëpo për menaxherët e “Feronikelit” kjo nuk ishte shqetësuese, ndërsa theksuan se gazi emergjent i ngujuar në Furrën Elektrike nr. 1 është hapur automatikisht (ashtu edhe si duhet sipas kushteve operacionale) dhe si rezultat kemi pasur nxjerrje të shpejt të gazrave nëpër oxhak i shoqëruar me flake dhe zhurmë. Sipas tyre ky është një process normal i cili është i përfshirë në standardet operacionale që prej kohës kur është instaluar sistemi i pastrimit të gazit në dy furrat.
