1.412 metra janë punuar me kubza betoni ne rrugicat e qytetit, projekt ky i Komunës nga mjetet për investime kapitale
Projekti për shtrimin e kubzave të betonit në rrugicat e qytetit të Drenasit është në përfundim dhe këto ditë pritet të finalizohet. Janë gjithsejtë 1.412 metra që janë përfunduar në shumicën e rrugicave të qytetit. Në lagjen Gashi janë 180 metra të shtruara me kubza betoni, në lagjen Kurrumeli 120 metra, Çikatovë e Re 180 metra, të Spitali 190 metra, në lagjen Rrukiqi e Prenku 192 metra, në lagjen Seferaj 150 metra, ndërsa është shtruar me kubza edhe trotuari nga shkolla “Halil Bajraktari” deri të lagja Qorri 400 metra. Ndërsa janë intensifikuar të gjitha projektet për investime kapitale që kanë qenë të planifikuara për këtë vit dhe janë dhjetëra projekte infrastrukturore që do të përmbyllën gjatë këtij viti për të përmirësuar jetën e qytetarëve të Drenasit.
