Në Komunën e Drenasit, u mbajt mbledhja e rregullt e Kuvendit të Komunës me këtë rend dite:
1. Proces verbali i mbledhjes të dt.18.03.2015
2. Raporti financiar Janar-mars-2015
3. Propozim vendimi për përkrahjen materjale te lehonave – nënave në Komunën e Drenasit
4. Propozim vendim për formimin e komisionit për emërtimin e rrugëve të reja,dhe shqyrtimin e kerkesave të palëve drejtuar Komisionit.
5. Propozim vendim për përkrahje financiare simpoziumin kushtuar Heroit të Kombit ‘’SHABAN POLLUZHA’’
6. Propozim vendim për shpallje më interes stacionin e Autobusve
7. Të ndryshme-u shqyrtuan kërkesa të ndryshme të adresuara në Kuvend.
Të gjitha pikët e rendit të ditës u shqyrtuan, vetëm pika e 6 është shtyer për mbledhjen e radhës.
Përkundër pengesave në sistem, Komuna e Drenasit ka arritur të realizoj të hyrat vetanake për periudhën janar-mars 2015. Krahasuar me planifikimin, të hyrat janë realizuar prej: 91.89 përqind; ndërsa në raport me periudhen e njëjt të vitit të kaluar, kemi një rënje për: -3.85 përqind, kjo rënje ka ndikuar nga informatat se Qeveria ka synim për t’i shlyer disa borgje paraprake te llogarit e arkëtueshme.
Të hyrat vetanake të planifikuara për muajin janar të vitit 2015 kanë qenë: 84,739.50, janë realizuar 83,416.38 apo 98.44 përqind. Të planifikuara për muajin shkurt të vitit 2015 kanë qenë: 84,739.50, janë realizuar 59,865.72 apo 70.65 përqind. Dhe të planifikuara për muajin mars të vitit 2015 kanë qenë: 84,739.50, janë realizuar 90,320.17 apo 106.59 përqind. Totali i planifikuar për periudhën janar-mars 2015 ka qenë 254,218.50, janë realizuar 233,602.27 apo 91.89 përqind.
Pika e tretë e rendit të ditës ishte propozim – vendimi për mbështetje finanaciare të lehonave/nënave në Komunën e Drenasit me rastin e lindjës së fëmiijës me nga 100 Euro, si dhe mbështetjen financiare të familjeve që kanë 7 e më shumë fëmije nën moshën 18 vjeqare me shumën 1000 Euro.
Propozim-vendimi u miratua me një propozim nga asambleistja Zogu, që financiarisht me një shumë edhe më të madhe deri 500 euro të mbështeten edhe lehonat/nënat që lindin fëmijë me sindromin down apo deformime tjera fizike. Me këtë ndryshim, vendimi hynë në fuqi nga 01.01.2016
U formua komisioni për emërtimin e rrugëve të reja dhe shqyrtimin e kerkesave të palëve, me këtë përbërje:
1. Xhavit Drenori
2. Ajet Demiri,
3. Rifat Demaku
4. Hyrije Xhemajlaj-Thaqi,
5. Enver Hajdari.
