Presidentja e Republikës së Kosovës, Atifete Jahjaga, së bashku me Kryetarin e Odës Ekonomike të Kosovës, Odës Ekonomike Amerikane dhe atë Gjermane, vizituan Komunën e Drenasit dhe u takuan me kryetarin e Komunës Nexhat Demaku. Ata së bashku diskutuan për përkrahjen e zhvillimit ekonomik lokal dhe përkrahjes së investimeve te huaja për zhvillimin e biznesit. Në takimin me kryetarin e Komunës së Nexhat Demaku dhe zyrtarë të tjerë, presidentja foli në lidhje me këtë iniciativë të përbashkët që kanë marrë në bashkëpunim me Odën Ekonomike."Asnjë proces nuk ka qendrueshmëri, nëse nuk ka zhvillim ekonomik të vendit, Kosova ka një numër të madh të të rinjëve të papunë dhe ne duhet së bashku të angazhohemi që përmes zhvillimit ekonomik të krijojmë vende të lira të punës. Në të gjitha vizitat që kam pasur me kryetar të komunave, thuajshe kanë qenë të njejtat probleme, sidomos rreth çeshtjeve të pronave për dhënie te investitorët vendor e të hauj, dhe rreth këtyre procedurave birokratike duhet të krijohen lehtësira të qendrueshme për biznese" u shpreh Presidentja Jahjaga. Nismen e presidentes e kanë përkrahur edhe përfaqësues të odave ekonomike në vend, me theks të veçant Safer Gërgjaliu, ka theksuar se "misioni i presidentes dhe të gjithë neve është qe të jemi për zgjidhje të problemeve që ballafaqohen bizneset dhe investitorët e hauj". Edhe Arianit Zeka ka potencuar se do të angazhohën të gjithë së bashku për të përkrahur nismën e presidentes dhe ka shtuar se Oda Ekonomike Amerikane e ka përgaditur një dokument informues për biznese dhe duhët të bisedohet edhe për çështjen e emergjisë elektrike në biznese, sidomos në Parkun e Biznesit. Kurse kryetari i Komunës së Drenasit, Nexhat Demaku, ka përgëzuar presidenten e Republikës së Kosovës për këtë iniciativë që kanë marrë, dhe ka njoftuar për gjendjen ekonomike në Komunën e Drenasit. Kryetari Demaku tha se "ajo që nuk duhet të ndodhë në nivelin lokal dhe atë qendror, është se të mos hidhet faji nga njëra anë në tjetrën, por të gjetet mundësia e bashkëpunimit. Parku i Biznesit është një shembull i zonës ekonomike në Kosovë, ku deri me tani 40 biznese janë në prodhim, por kanë problem me energjinë elektrike që nderprehet pa ndonjë paralajmërim. Kërkesë nga Komuna kish me qenë që zona përball Parkut të Biznesit të kthehet nga menaxhimi i AKP-së në menaxhim të Komunës, pasi që kemi disa biznese të huaja që kanë shpreh interesimin për investim, por që Komuna nuk e ka mundësin e dhënies për shkak të procedurave siç tha edhe presidentja birokrtaike", ka thënë kryetari Demaku. Presidentja e vendit dhe përfaqësues të odave, janë zotuar se kërkesat e arsyeshme të Komunës së Drenasit, përkatësisht të zonës përballë Parkut të Biznesit, të shyqrtojnë mundësin që krijimi i kësaj zone ekonomike e cila do të josh investitor të huaj dhe vendor të jetësohet sa më parë.
