Kryetari i Komunës së Drenasit, z. Nexhat Demaku, drejtori i Kulturës, Agron Dubovci dhe komandanti i Stacionit Policorë në Drenas Driton Morina, kanë bërë perurimin e palstres sportive në Drenas për nder të 14 Qershorit, Ditës së Dëshmorëve dhe Ditës së Çlirmit të Drenasit. 
Pas përurimit të Palestrës Sportive, është mbajtur edhe finalja e Turnirit Memorial Tradicional “Rasim Kiçina”. Hapjen zyrtare të palestrës dhe të turnirit “Rasim Kiçina” e kanë bërë pioneret e Shkollës së Futbollit “Drenasi” e më pas një lojë miqësore është zhvilluar edhe mes Komunës dhe Stacionit Policorë të Drenasit. Më pas janë ndeshur dy ekipet që kanë arritur deri në finale, Klubi i Futbollit “Pëllumbi” dhe Klubi i Futbollit “Menari” ku ky i fundit arriti që të merr kupen e finales së Turnirit Tradicional “Rasim Kiçina” i cili është mbajtur për të 14 herë me radhë. Turniri Memorial Tradicional “Rasim Kiçina” ka nisur me 30 maj dhe për dy javë kanë marrë pjesë 110 Klube të Futbollit të Vogël nga e mbarë trojet shqiptare. Turniri ka nisur ne Palestrën Sportive “Company Bejta”, mirëpo pasi që është përfunduar Palsetra Sportive finalja është zhvilluar në këtë palestër. Palestra Sportive është financuar nga Ministria e Kulturës, Rinisë dhe Sportve në bashkëfinancim me Komunën e Drenasit dhe vlera e këtij projekti arrin 600 mijë euro. Palesta ka rreth 1200 ulëse për publikun dhe në këtë palestër janë rregulluar fushat për futboll të vogël, hendboll, volejboll, basketboll dhe lojëra të tjera sportive. Kjo palestër do t’i mundësoj talentëve të rinjë të Drenasit të shprehin aftësit e tyre sportive për të marrë pjesë edhe në gara kombëtare e ndërkombëtare.
