Më rastin e shënimit të 18 vjetorit të rënies së gjeneralit të Uhstrisë Çlirimtare të Kosovës, Bedri Shala është bërë perurimi i lapidarit në Komunën e Junikut ku merrnin pjesë struktura komunale nga Drenasi, Juniku e Deçani, përfaqësues të organizatave të dala nga lufta, bashkëlufetarë të gjeneral Bedriut, familjar, ministra e deputet të Kuvendit të Kosovës. Fillimisht, kryetari i Komunës së Drenasit, z. Nexhat Demaku me bashkëpunetor kanë vuar kurora lulesh tek varri i gjeneralit Bedri Shala në varrezat e dëshmorëve në Polac të Skenderajt, pastaj në Junik është bërë edhe zbulimi i lapidarit të gjeneral Bedriut. Kryetari i Komunës së Drenasit, z. Nexhat Demaku, me rastin e zbulimit të këtij lapidari, tha se populli i Kosovës është me fat që ka përjetuar epokën e Ushtrisë Çlirimtare të Kosovës. "Vet fakti që gjenerali Bedri Shala ka renë dëshmorë në Junik me Bekim Berisha-Abeja dhe bashkëlufetarë të tjerë, tregon se lufta e lavdishme e UÇK-së kishe përmasa gjithëkombëtare dhe ne sot jemi krenar me të kaluarën e tyre", tha mes tjerash kryetari Demaku. Kryetari i Komunës së Junikut, z. Agron Kuçi para të pranishmeve tha se lufta e Bedri Shalës e Bekim Berishes dhe lufetarëve të tjerë na benë krenar të gjithëve se djemt trima të Kosovës ishin rreshtuar kundër okupatorit serb për të çliruar vendin dhe nuk duronin më trysnin e presionin e agresorit serb. Ndërsa bashkëlufetari i Bedri Shalës, deputeti i Kuvendit të Kosovës, z. Daut Haradinaj, vlerësoi lart vepren e Bedris, Bekimit dhe të tjerëve. "Kam njohur shumë trima gjatë luftës së UÇK-së, por Bedri Shala ishte nder trimat me të guximshëm, të cilit nuk i trembej syri nga okupatori serb dhe kishte një qëllim, siç kishim të gjithë të tjerët, çlirimin një herë e përgjithmonë nga regjimi serb", tha mes tjerash Haradinaj. Pas fjalimeve, u bë edhe zbulimi i lapidarit të gjeneralit Berdi Shala.
