Kanë përfunduar punimet në asfaltimin e rrugës Drenas-Baicë në gjatësi prej 4 kilometrave e gjysëm, projekt ky i cili është bashkëfinancuar nga Komuna e Drenasit dhe Ministria e Infrastrukturës, ndërsa janë asfaltuar edhe disa rrugë të tjera në fshatrat e Komunës.
Asfaltimi i rrugës Drenas-Baicë ne gjatësi prej 4 kilometrave e gjysmë është e një rëndësie të madhe pasi që lidhet edhe më rrugën që kalon në dy fshatra, Tërdec dhe Abri. Nga mjetet për investime kapitale kanë përfunduar edhe disa projekte në asfaltimin e rrugëve dhe kanalizimeve. Ka përfunduar asfaltimi i rrugës në fshatin Gradicë, lagja Fazliu në gjatësi prej 500 metrave, në fshatin Damanek ne gjatësi prej 300 metra, në fshatin Tërdec në lagjën Halilaj në gjatësi prej 600 metrave, në Tërstenik në lagjën Kacurreti në gjatësi prej 750 metrave, Fushticë e Epërme, Komoran në lagjën Ibriqi e Cakiqi ne gjatësi prej 250 metrave, Dobroshec lagja Hajdari ne gjatësi prej 300 metrave, në fshatin Polluzhë dhe Negroc. Ndërsa pritet të përfundojnë projektet nga investimet kapitale edhe në asfaltimin e rrugës në lagjën Lestrani në Baicë, në fshatin Godanc, Korroticë e Eperme lagja Janova, Vukovc lagja Bogiqi, kurse në bashkëfinancim të projekteve për investime kapitale me Ministrinë e Infrastrukturës dhe Komuën e Drenasit është në fazën finale edhe asfaltimi i rrugës në fshatin Nekoc në lagjën Krapi dhe Foniqi në gjatësi prej 1 kilometër e 700 metra, që lidhë fshatin Kishnarekë dhe fshatin Baicë të Komuëns së Lipjanit. Komuna e Drenasit ka finalizuar disa projekte infrastrukturore të rrugëve, kanalizimeve e ujësjellësve që janë në dobi të qytetarëve për të përmirësuar kushtet e tyre të jetesës.Kryetari i Komunës, z.Nexhat Demaku, gjatë inspektimit të punimeve në disa projekte që kanë përfunduar e të tjerat që janë në vazhdën e punimeve, ka thënë se Komuna është duke punuar me përkushtimin me të madh për të kryer të gjitha projektet që janë të planifikuara për këtë vit dhe disa prej tyre edhe me mbështetje të nivelit qendror e nga donacionet e ndryshme. Ai ka falënderuar edhe qytetarët të cilët kanë ndihmuar në implementimin e projekteve.
