Komuna e Drenasit njofton të gjithë personat juridik dhe fizik të Komunës së Drenasit të cilët kanë obligime të pashlyera ndaj Komunës, se nga data 03.09.2015 ka hyr në fuqi Ligji nr.05/L-043 mbi faljen e borxheve. Faja e borxheve sipas ligjit behët për obligimet e pashlyera të qytetarëve ndaj institucioneve Shtetërore dhe Ndërmarrjeve Publike dhe me këtë ligj falen borxhet e krijuara deri më 31 dhjetor të vitit 2008. Kushtet për faljen e borxheve janë:
Nga falja e borxheve publike për periudhën deri më 31 dhjetor 2008, sipas këtij ligji përfitojnë të gjithë personat të cilët kanë obligime të pashlyera ndaj institucioneve Shtetërore dhe Ndërmarrjeve Publike, me kusht që të njëjtit:
1. Të kryejnë pagesën e plotë të obligimeve për periudhën nga 01 janar 2009 deri më 31 dhjetor 2014, atëherë personat e këtillë , përveç faljes së tërësishme të borxhit për periudhën deri më 31 dhjetor 2008, do të përfitojnë edhe me faljen e gjobave, ndëshkimeve, interesit dhe çdo obligim tjetër që rrjedh nga mos pagesa me kohë e kryerjes së borxhit për periudhën 01 janar 2009 deri më 31 dhjetor 2014, ose;
2. Të lidhin marrëveshje me institucionin Shtetëror apo Ndërmarrjen Publike për pagesën e borxheve me këste për periudhën 01 janar 2009 deri më 31 dhjetor 2014. Në rastin kur arrihet marrëveshja atëherë personat e këtillë, përveç faljes së tërësishme të borxhit për periudhën deri më 31 dhjetor 2008, do të përfitojnë edhe faljen e ndëshkimeve për periudhën 01 janar 2009 deri me 31 dhjetor 2014.
Pagesa e borxhit sipas pikës 2 duhet të kryhet:
a) Brenda afatit prej dy (2)vitesh, për personat juridik, nga dita e lidhjes së marrëveshjes, dhe;
b) Brenda afatit tri (3) vitesh, nga personat fizik, nga data e lidhjes së marrëveshjes.
3. Për borxhet e pashlyera deri më 31 dhjetor 2008, ku shuma totale e borxhit bazë është në vlera të vogla prej një (1) deri njëqind euro (100), nuk vlejnë dispozitat e paragrafit 1 të këtij neni dhe të njëjtat do të fshihen me automatizëm.
4. Subjektet që mund të përfitojnë nga falja e borxheve publike sipas nenit 4 të këtij ligji. Këtë të drejtë mund ta realizojnë brenda periudhës prej një (1) viti, nga dita e hyrjes ne fuqi të këtij ligji.
Për informata të mëtejme mund të drejtoheni në objektin e Komunës- Drejtoria për FEZH kati përdhes, obligimet për: tatimi në pronë taksa në biznes dhe shfrytëzimi i hapësirave publike.
Ftohën obliguesit që të shfrytëzoj këtë të drejtë ligjore në të kundërtën obligimet edhe për periudhën e cekur mbesin ne fuqi.
Për tatim në prone mund të fillojnë me shfrytëzimin e faljes së borxheve nga 02.10.2015.
