Njoftohen qytetarët e Komunës së Drenasit se Drejtoria për Inspeksion, konform Ligjit për Mbrojtje të Konsumatorit, që nga fillimi i këtij viti ka realizuar disa aksione në kontrollë të produkteve ushqimore, kushtet e ruajtjes dhe afatizimit të tyre.
Ndërsa, gjatë këtyre ditëve, është duke bërë kontrollë të veçantë të artikujve ushqimor dhe dhuratat e fëmijëve të përdorshëm për festat e fundvitit.
Ndaj subjekteve që nuk mbajnë në kontrollë artikujt ushqimor për kushtet e ruajtjes dhe afatizimit, janë marrë masat ndëshkuese sipas Ligjit Sanitar të Kosovës në fuqi, me nr. 2003/22 .
Kërkojmë nga qytetarët e Komunës së Drenasit se në rast që hasin në produkte ushqimore me afat të skaduar, menjëherë të lajmërojnë në Drejtorinë për Inspeksion me qëllim të mbrojtjes së shëndetit dhe interesave ekonomike të Konsumatorit.
Numrat kontaktues të Drejtorisë: Tel.03820040806, 03820040901
