Qeveria e Republikës së Kosovës, në bashkëpunm me IDA, përmes Agjencionit Kadastral të Kosovës dhe Drejtorinë Komunale për Gjeodezi, Kadastër dhe Pronë, kanë nisur projektin për rindertimin e Kadastrit në pesë zona kadastrale në Komunën e Drenasit. Për t’u implementuar sa me suksesshëm ky projekt me rendësi për Komunën e Drenasit, fillimisht janë mbajtur takime informuese me qytetarët e zonave ku janë përfitues mbi pesë mijë hektar, apo mbi 1400 eknomi familjare. Në komunën e Drenasit përfitues të këtij projekti është zona e fshatit Abri e Eperme, Gllanasellë, Negroc, Likoshan dhe Fushticë e Eperme. Rindertimi i kadastrit në këto zona bëhet për shkak të mospërputhjes së të dhënave grafike me ato tekstuale si pasojë e mos-mirëmbajtjes së kadastrit dhe marrjes së dokumenteve nga Serbia gjatë përiudhës së luftës në Kosovë, gjë që ka sjellë domosdoshmërinë e kryerjes së këtij projekti. Ky projekt ka një rendësi të veçant për Komunën e Drenasit dhe zonat përfituese, pasi që pronarët e tokave mundë t’i regjistrojnë të dhënat për pronësinë e paluajtshme në bazë të situatës aktuale ne terren. Ky projekt do të zgjasë një vit.
