Më rastin e shënimit të ditës së shkollës në fshatin Gradicë, përkatësisht të 69 vjetorit të saj, është bërë edhe zbulimi i bustit të Heroit Mehmet Gradica, që edhe shkolla mban emrin e tij, ndërsa merrnin pjesë, kryetari i Komunës, Nexhat Demaku, nënkryetari i Komunës së Skënderajt, Fadil Nura, deputetja Ganimete Musliu e Shaip Muja, familjar të Mehmet Gradicës, drejtor të drejtorive komunale nga Drenasi e Skenderaj dhe shumë qytetar të tjerë.
Më rastin e shënimit të 69 vjetorit të shkollës "Mehmet Gradica" në Gradicë, drejtori i kësaj shkolle, Ajet Leci, para të pranishmëve tha se ndërtimin e këtij busti e kanë mundësuar iniciativa e banorëve të këtij fshati, ndërsa theksoi se vepra dhe krenaria e popullit të Kosovës mbeten figurat e heroizmit, siç është Mehmet Gradica e Shaban Polluzha. Kurse drejtori i Drejtorisë Komunale të Arsimit, Sadik Tahiraj, tha se tendencat e disave në kohën e luftës së Mehmet Gradicës ishin të ndërronin historinë e vertet të heroit, por falë bashkëpjesëmarrësve që ishin dëshmitar të asaj kohe, sot mbetet njëra nder figurat me rendesishme të historisë së Kosovës dhe me gjerë. Ai shtoi se shkolla duhet të mbaj me epitetin më të lartë këtë emër. Këtë kremtim e ka përshendetur edhe nënkryetari i Komunës së Skenderajt, Fadil Nura, deputeti i Kuvendit të Kosovës, Shaip Muja dhe familjari i familjes së Mehmet Gradicës, Ukë Uka, ndërsa Besim Morina e ka paraqitur një historik të ngjarjeve në luftën e Mehmet Gradicës. Për shënimin e kësaj dite, shkolla e fshatit se bashku me Shoqërinë Kulturore e Artistike "Shotë Galica", kanë paraqitur një program arstistik dhe në fund është bërë edhe zbulimi i shtatorës së heroit Mehmet Gradica.
