Komuna e Drenasit vitin 2016, e ka nisur punën në objektin e ri, dhe tani më shërbimet për qytetarë janë të modernizuara, digjitalizuar dhe transparente. Kryetari i Komunës, z. Nexhat Demaku ka vlerësuar se ndërtimi i objektit të ri të administratës komunale, ka qenë mese i nevojshëm, pasi që objekti i vjetër nuk plotësonte kushtet as për së afërmi për shërbimet administrative. Punëtorët e administratës komunale, vitin 2016 e kanë nisur në objektin e ri të Komunës, donacion ky nga Bashkimi Evropian i cili ka kushtuar mbi 1 milion euro. Objekti i ri ofron shërbime të standardizuara e të modernizuara, dhe plotëson kushtet e punës administrative që kryhen për qytetarë. BE-ja, përkatësisht Komisioni Evropian, ka përfunduar punët teknike të objektit, ndërsa inventarizimin, digjitalizimin dhe orenditë tjera përcjellëse i ka bërë Komuna e Drenasit. Në katin e parë të objektit ofrohen shërbimet ditore për palët dhe i gjithë shërbimi është i digjitalizuar, ku palët më nuk presin tek zyret, por shërbimi është transparent dhe të gjithë shërbehen më numër deri të vie radha e kryerjes së shërbimit. Ndërsa në katin e dytë, janë vendosur punëtorët të cilët kryejnë shërbime kryesisht ekzekutive, që po ashtu ne këtë nivel të ndërtesës janë vendosur edhe drejtor të drejtorive dhe kabineti i Kryetarit. Kryetari i Komunës, z. Nexhat Demaku, gjatë një inspektimi të punës që kryhet në objektin e ri të Komunës, ka vlerësuar se ndërtimi i këtij objekti ka qenë mese i nevojshëm, sepse objekti i vjetër nuk plotësonte as për së afërmi kushtet për shërbime ndaj qytetarëve. "Ky është një objekt të cilin më së miri do e shfrytëzojnë qytetarët tanë, në te do të kryhen punët transparente dhe të standardizuara. Në mungesë të buxhetit komunal, ne në vazhdimësi kemi kërkuar nga Qeveria dhe donatorët e jashtëm ndërtimin e objektit të ri të Komunës, ndaj falënderoj Bashkimin Evropian që kërkesën tonë e ka jetësuar dhe ne sot jemi në një ndërtesë krejtësisht ndryshe nga ajo e mëhershmja", ka thënë kryetari Demaku. Ai ka shtuar se objekti ka krijuar kushte me standarde evropiane dhe se këtij shërbimi i janë gëzuar më së shumti punëtorët e administratës dhe qytetarët e Komunës së Drenasit. "Kushtet që tani ofrohen janë të avancuara dhe të standardëve evropiane, tani vërehet që nuk ka palë duke pritur në zyre, tani secili shërbim që kryhet është transparent, me shërbim të digjitalizuar, ku pala shërbehet me numër dhe përmes ekranit të vendosur merr sinjalin se sporteli ku do të kryej shërbimin është i lirë dhe mund të marr dokumentin e kërkuar. Palët janë reduktuar dhe të gjitha punët kryhen sipas planit", ka thënë Demaku. Kujtojmë që Komuna e Drenasit, punët administrative i kryente në objektin e ndërtuar në vitet e 60-ta dhe i adaptuar herë pas here, por që nuk i plotësonte aspak kushtet për shërbime, ndonëse kushte të vështira, qëndronte mirë me shërbime ndaj qytetarëve.
