Ministrja e Integrimeve Evropiane znj. Vlora Çitaku ka vizituar Komunën e Drenasit ku është takuar me kryetarin e Komunës z. Nexhat Demaku dhe ka njoftuar për procesin e integrimit të personave të riatdhesuar.
Ministrja Çitaku ka thënë se integrimi i personave të riatdhesuar ka një rendësi të veçantë për përmbushjen e kritereve që dalin nga pakoja e Bashkimit Evropian për përmbushjen e kërkesave në liberalizimin e vizave. Ka theksuar se koordinimi i agjendës se përbashkët evropiane mes nivelit lokal dhe atij qendror është shumë i rëndësishëm. Gjithashtu ka potencuar se përkrahja e Qeverisë do të vazhdoj në fushën e integrimit të personave të riatdhesuar. Ndërsa kryetari i Komunës, z. Nexhat Demaku ka njoftuar ministren Çitaku për punën dhe angazhimin e Komunës në fushën e integrimit dhe riatdhesimit.
