Kryetari i Komunës, Nexhat Demaku, ka falenderuar Zëvendëskryeministrin njëherësh Ministrin e MAPL-së për mbështjetje Zëvendëskryeministri njëherësh Ministri i MAPL-së, z. Petroviç viziton Drenasin
Drenas, 13 prill 2011- Kryetari i Komunës së Drenasit, z. Nexhat Demaku priti Zëvendëskryeministrin e Kosovës njëherësh Ministrin e Administrimit të Pushtetit Lokla, z. Slobodan Petroviç, me çrast këmbyen informacione të ndërsjella, lidhur me gjendjen e përgjithshme në komunën e Drenasit. Kryetari i Komunës së Drenasit, z. Nexhat Demaku ka vlerësuar të suksesshme ecurinë e procesit të regjistrimit të popullsisë, ekonomive familjare dhe banesave në Kosovë, i cili po zhvillohet që nga një 1 prilli. Me këtë rast tregoi interesimin për përkrahje në projektet e Komunës tonë. Ai ka thënë se Ministria që ai udheheq është në dijeni për problemet që kemi dhe ka premtuar se do të na përkrahin në impelemntimin e projekteve që janë në interesin e qytetarëve të kësaj ane. “Ne kemi një buxhet të caktuar për secilën komunë, secila kërkesë e juaja do të merret parasysh. Pikërisht sot jemi ketu për të ju kumtuar se kërkesa juaj dhe projekti i drejtuar tek ne ka gjetur mbeshtjetje, rruga për lagjën Zogaj në Komoran e cila do të kushtoj 195,668,80 mijë euro”, ka thënë Petroviç. Ai ka shtuar se edhe pse Drenasi është vend etnikisht i pastër, përkrahja në projekte nuk do të mungoj. Ndërsa Kryetari i Komunës së Drenasit, z. Nexhat Demaku, ka falenderuar Zëvendëskryeministrin e Kosovës, njëherësh Ministrinë e MAPL-së për këtë mbështjetje, por pati edhe kërkesa tjera, njëra nga kërkesat ishte ndërtimi i objektit të Komunës, ngase ai ekzistues është krejtësisht i dëmtuar. “Kërkesa jonë është që të shiqohen mundësit për ndërtimin e një objekti të ri të Komunës, sepse ky që është nuk i plotëson kushtet e funksionimit”, ka thënë Demaku. Gjithashtu Kryetari Demaku, ka mohuar zërat opozitar që është thënë se investimet janë bartur në Drenicë. “Në vitin 2010 vetëm dy projekte janë financuar në Drenas, nga i gjithë buxheti i Kosovës, këtij rajoni i janë ndarë vetëm 0.09 për qind. Drenasi ka nevojë urgjente për shumë projekte. Gjendja e infrastrukturës nuk është e mirë, kemi shumë lokalitete të cilat nuk janë përfshirë në asfaltim, kanalizim dhe ujësjellës dhe kërkojmë nga niveli Qendror që të përkrahet gjatë këtij viti Komuna e Drenasit”, ka thënë Kryetari Demaku. Kryetari, z. Nexhat Demaku ka falënderuar Ministrin për vizitë në këtë komunë dhe është shprehur i gatshëm të bashkëpunojë për të mirën e qytetarëve.
