Në Komunën e Drenasit u mbajt mbledhja e tretë e KKSB-së (Këshilli Komunal për Siguri në Bashkësi) për vitin 2015, në Zyrën e Drejtorit për Administratë të Përgjithshme, lidhur me zhvillimet në Komunën tonë. Të pranishëm ishin të gjithë anëtarët e KKSB-së dhe përfaqësues nga KFOR, LMT K9 dhe OSCE.
Në mbledhje u diskutuan këto pika të rendit të ditës:
1. Procesverbal i mbledhjes së kaluar, mbajtur më 05.05.2015
2. Siguria rrugore.
3. Shenjat në rrugë.
4. Të ndryshme.
Pika e parë e rendit të ditës u miratuan unanimisht.
Në pikën e dytë të rendit të ditës, Komandanti i SP në Drenas, z. Driton Morina foli rreth sigurisë rrugore ku theksoi se numri i aksidenteve duke krehasuar me vitet paraprake 2013-2014, në vitin 2015 janë në ramje, ku sipas statistikës del se:
Në vitin 2013 kishte 08 aksidente fatale, në vitin 2014 kishte 06 ndërsa në vitin 2015 kishte 1.
Në vitin 2013 kishte 200 aksidente me lëndime, në vitin 2014 kishte 149 ndërsa në vitin 2015 kishte 5.
Në vitin 2013 kishte 348 aksidente me dëme materiale, në vitin 2014 kishte 206 ndërsa në vitin 2015 kishte 59.
Në vitin 2013 kishte 34 aksidente mos ndalje në vendin e aksidentit, në vitin 2014 kishte 26 ndërsa në vitin 2015 kishte 10.
Totali i aksidenteve në vitin 2013 kishte 590 aksidente, në vitin 2014 kishte 387 ndërsa në vitin 2015 kishte 74.
Ndërsa tiketa në vitin 2013 janë 3217, 2014 janë4716 dhe në vitin 2015 janë 1151.
Gjithashtu Komandanti Morina tha se në këto statistika për vitin 2015 (janar-maj) nuk janë të përfshira statistikat e Njësisë së Autostradës dhe Njësisë së Trafikut Rajonal.
Për pikën e tretë të rendit të ditës, Drejtoresha e Shërbimeve Publike, znj. Hyrije Xhemajlaj-Thaqi informoi të pranishmit për projektin për vendosjen e shenjave në rrugë që është në procedurë dhe për dëmtim të këtyre shenjave.
Gjithashtu te pika të ndryshme, Drejtoresha e Shërbimeve Publike, znj. Hyrije Xhemajlaj-Thaqi informoi të pranishmit rreth fillimit të implementimit të projejktit për qenët endacak, duke i dhënë prioritet qendrës së Drenasit.
Pjesëmarrësit patën rastin të elaborojnë edhe çështje tjera tek pika e rendit të ditës: të ndryshme
me Kryetarin e Komunës dhe zyrtarë përgjegjës të Sektoreve.
