Mbahet mbledhja e Shtabit Emergjent dhe Qendrës Emergjente Lokale, diskutohet gjendja aktuale dhe vendimet e fundit të Qeverisë
Të martën është mbajtur mbledhja e Shtabit Emergjent dhe Qendrës Emergjente Lokale në Komunën e Drenasit, ku të pranishmit kanë diskutuar për gjendjen aktuale lidhur me virusin COVID-19 dhe vendimet e fundit të Qeverisë të Republikës së Kosovës.
Mbledhjen e ka hapur kryetari i Komunës, Ramiz Lladrovci, i cili njoftoj të pranishmit lidhur me vendimin e fundit të Qeverisë të datës 01.11.2020 Nr.01/39 pika 15, për të riaktivizimin Shtabit Emergjente dhe Qendrës Operative dhe ka thënë se do të riaktivizojnë edhe Nënshtabet Emergjente. Kryetari Lladrovci ka thënë se Komuna është e gatshme nëse përkeqësohet gjendja nga pandemia, rrjedhimisht nëse izolohet vendi, që t’i ndihmojnë familjet e prekura nga virusi dhe ka shtuar se vendimi i Qeverisë të zbatohet në përpikëri dhe rekomandimet e IKSHP-së dhe Ministrisë së Shëndetësisë. Lladrovci ka falënderuar të pranishmit për gatishmërinë, policinë, ekipet shëndetësore, zjarrfikësit, inspektorët, ujësjellësin, kompaninë e mbeturinave, KEDS-in në Drenas dhe gjithë akterët tjerë që po vazhdojnë të japin kontributin e tyre për të menaxhuar sa më mirë këtë gjendje të krijuar nga pandemia globale e virusit.
Drejtori i Shëndetësisë dhe Mirëqenies Sociale, Arsim Haxhiu, i ka njoftuar anëtarët e Shtabit me statistikat e të infektuarve, për monitorimin dhe vizitat që u bëjnë ekipet shëndetësore. Ai ka shtuar se që nga Marsi i këtij viti, në Drenas janë prekur 484, prej tyre janë 62 raste aktive dhe 393 të tjerë janë shëruar. Haxhiu ka shtuar se ekipet mjekësore dhe si drejtori, janë të gatshëm për të zbatuar rekomandimet që dalin nga niveli qendror.
Lidhur me situatën ne institucionet arsimore, ka raportuar drejtori i Drejtorisë Komunale të Arsimit, Muhamet Gjoka, i cili ka treguar se mësimi është duke u mbajtur fizikisht në shkolla, përjashtimisht në ato klasë kur mësimdhënësi ose nxënësi kanë rezultuar pozitiv. Ai ka thënë se të gjitha shkollat janë pajisur me dezinfektues, maska, tabela informuese dhe pajisje tjera. Gjoka ka shtuar se DKA-ja në Drenas ka të përgatitur planet tjera sipas rekomandimeve të Ministrisë së Arsimit dhe IKSHP-së në rast të përkeqësimit të gjendjes nga virusi.
