Sot, u mbajt mbledhja e rregullt e Kuvendit Komunal të Drenasit, e kryesuar nga Kryesuesi i Kuvendit, Burim Bujupi. Në këtë mbledhje morën pjesë edhe Kryetari i Komunës së Drenasit, Ramiz Lladrovci, nënkryetari Arben Shala, drejtorët e drejtorive komunale, anëtarët e Kuvendit Komunal, si dhe zyrtarë të tjerë komunalë.
Mbledhja zhvilloi punimet sipas këtij rendi të ditës:
- Procesverbali i mbledhjes së Kuvendit Komunal të mbajtur më 29.05.2026;
- Draft Korniza Afatmesme Buxhetore Komunale 2027-2029;
- Raporti i KRU “Prishtina”, Dega në Drenas;
- Raporti nga Kryeshefi i KRM “Pastrimi”;
- Raport për menaxhimin e pronave komunale të dhëna në shfrytëzim;
- Informim i Kuvendit Komunal për aktivitetet e KKSB-së për periudhën janar-qershor 2026;
- Propozim-vendim për shfuqizimin e Vendimit nr. 02 Nr.020/04-19807, të datës 29.05.2026, për themelimin e Komisionit për verifikimin e lejeve ndërtimore nga viti 2017 deri në vitin 2026;
- Propozim-vendim për financimin e projektit për OJQ “Klubi i Futbollit FC Feronikeli 74”;
- Propozim-vendim për financimin e projektit për OJQ “Klubi KFF Feronikeli” Femra;
- Propozim-vendim për financimin e projektit për OJQ “Klubi i Futsallit FC Liqeni”;
- Propozim-vendim për financimin e projektit për OJQ “Shotë Galica”;
- Propozim-vendim për financimin e projektit për OJQ “Klubi i Volejbollit Gryka”;
- Propozim-vendim për financimin e projektit për OJQ KV “Feronikeli Femrat”;
- Propozim-vendim për financimin e projektit për OJQ KV “Feronikeli Meshkujt”;
- Propozim-vendim për financimin e projektit për OJQ “Klubi i Futsallit Drenasi”;
- Propozim-vendim për financimin e projektit për OJQ “Klubi i Futsallit Komorani”;
- Të ndryshme.
Po ashtu, si pikë shtesë e rendit të ditës u përfshi edhe Propozim-vendimi për sigurimin e parcelës nr. 00523-2 në Zabel, për realizimin e investimeve në infrastrukturën sportive për sportin e shigjetarisë.
Sa i përket pikës së tretë të rendit të ditës, e cila kishte të bënte me raportimin e KRU “Prishtina” – Dega në Drenas, ndonëse ishte paraparë raportimi para Kuvendit Komunal, përfaqësuesit e kësaj kompanie nuk morën pjesë në mbledhje dhe, rrjedhimisht, nuk paraqitën raport para anëtarëve të Kuvendit Komunal. Mungesa e këtij raportimi vjen në një periudhë kur Komuna e Drenasit po përballet me sfida sa i përket furnizimit me ujë të pijshëm.
Ndërkaq, lidhur me pikën e katërt të rendit të ditës, në emër të KRM “Pastrimi” raportoi Kryeshefi Ekzekutiv, z. Petrit Reçica, i cili paraqiti të arriturat, aktivitetet dhe sfidat me të cilat po përballet kjo kompani. Anëtarët e Kuvendit patën mundësinë të parashtrojnë pyetje, si dhe të japin rekomandime dhe sugjerime lidhur me çështjet e ngritura gjatë raportimit.
Të gjitha pikat e rendit të ditës u shqyrtuan nga anëtarët e Kuvendit Komunal, ndërsa pikat që kërkonin vendimmarrje u miratuan me shumicë votash.
Për më shumë informata, mbledhjen mund ta ndiqni përmes lidhjeve në vijim:
Facebook: https://www.facebook.com/share/v/1DauR66a2G/?mibextid=wwXIfr
Youtube:https://www.youtube.com/live/iPB-FbFbAe8?feature=shared
