Mbahet mbledhja e rregullt e Kuvendit të Komunës
Është mbajtur mbledhja e rregullt e Kuvendit të Komunës së Drenasit, ku për diskutim ishin 18 pika për rend dite, por me propozimin e kryetarit të komunës, Ramiz Lladrovci është shtuar edhe një pikë, propozim vendimi për shfuqizimin e vendimit Nr.02-030/01-24082 të datës 30.05.2022 dhe pas paraqitjes së pikave janë miratuar në parim të gjitha pikat.
Mbledhja është kryesuar nga kryesuesi i Kuvendit Komunal, Milaim Hajdari, ndërsa merrnin pjesë, kryetari i Komunës, Ramiz Lladrovci, nënkryetari Arben Shala, drejtor të drejtorive komunale, anëtar të Kuvendit dhe përfaqësues të OSBE-së.
Më poshtë ju elaborojmë pikat që janë diskutuar e miratuar me shumicë votash në mbledhjen e rregullt të Kuvendit të Komunës.
- Procesverbali i mbledhjes së rregullt të KK i mbajtur më dt. 27.07.2022, është votuar me vota unanime.
- Propozim Vendim i Buxhetit të Komunës së Drenasit për vitin 2023-2025, është diskutuar e votuar më shumicë votash nga anëtarët e Kuvendit të Komunës.
- Propozim Vendim për formimin e Komisionit Vlerësues për zbatimin e procedurave të dhënies në shfrytëzim të pronës së paluajtshme të Komunës është votuar me këtë përbërje; Flutura Avdiu, drejtoreshë e Planifikimit Urban dhe Mbrojtje të Mjedisit, Enver Hoxha nga administrata komunale, Qendrim Mulaj nga Kuvendi Komunal i përfaqesuar nga subjekti politik, PDK, Sali Dvorani nga Kuvendi Komunal i përfaqësuar nga subjekti politik DD dhe Arben kuliqi nga shoqëria civile.
- Propozim Vendim për fillimin e Hartimit të Planit Rregullues të hollësishëm për qendrën e Qytetit Gllogoc, është votuar me shumicë votash.
- Propozim Vendim për financimin e Projektit të OJQ-së Klub Fitness Koca, është miratuar me vota unanime nga anëtarët e Kuvendit të Komunës.
- Propozim Vendim për financimin e Projektit Volejbolli për Femra të OJQ-së KV Gryka, është miratuar me vota unanime nga anëtarët e Kuvendit të Komunës.
- Propozim Vendim për financimin e Projektit të OJQ-së “KF FORTUNA”, është miratuar me vota unanime nga anëtarët e Kuvendit të Komunës.
- Propozim Vendim për financimin e Projektit të OJQ-së Klubi i Boksit Drenas, është miratuar me vota unanime nga anëtarët e Kuvendit të Komunës.
- Propozim Vendim për financimin e Projektit të OJQ-së Klubi Publik i Futbollit Drenas, është miratuar me shumicë votash unanime nga anëtarët e Kuvendit të Komunës.
- Propozim Vendim për financimin e Projektit të OJQ-së FC LIQENI Drenas, është miratuar me vota unanime nga anëtarët e Kuvendit të Komunës.
- Propozim Vendim për financimin e Projektit të OJQ-së Klubi i Volejbollit Feronikeli Meshkujt Drenas, është miratuar me vota unanime nga anëtarët e Kuvendit të Komunës.
- Propozim Vendim për financimin e Projektit të OJQ-së Klubi i Volejbollit Feronikeli Femrat Drenas, është miratuar me vota unanime nga anëtarët e Kuvendit të Komunës.
- Propozim Vendim për financimin e Projektit botim i Librit monografi RFBSH Nezir Prokshi Drenas, është miratuar me vota unanime nga anëtarët e Kuvendit të Komunës.
- Propozim Vendim për formimin e Komisionit për plotësim ndryshimin e Rregullores për Taksa Tarifa Ngastra dhe Gjoba, është miratuar me këtë përbërje; Viloleta Baleci, Arianit Bala dhe Besart Bajrami nga administrata komunale, Valentina Leku-Gashi nga Kuvendi i Komunës që përfaqëson subjektin politik PDK, Mehedin Salihu nga Kuvendi i Komunës që përfaqëson subjektin politik DD, Drin Halilaj nga Kuvendi i Komunës që pëerfaëson subjektin politik LVV dhe Sulltane Mulaj që përfaqëson shoqërinë civile.
- Njoftim rreth shkëputjes së Kontratës së shfrytëzuesit të pronës së paluajtshme të Komunës së Drenasit, është paraqitur si njoftim para anëtarëve të Kuvendit.
- Propozim Vendim për bartjen e mjeteve Financiare nga Kategoria Rezervë., është miratuar me vota unanime.
- Raporti i punës Janar-Qershor 2022 i Kryetarit dhe Qeverisjes Lokale, është paraqitur para anëtarëve të Kuvendit dhe është diskutuar ky raport.
- Propozim vendimi për shfuqizimin e vendimit Nr.02-030/01-24082 i datës 30.05.2022, është miratuar me shumicë votash.
- Të ndryshme, në këtë pikë, anëtarët e Kuvendit kanë diskutuar tema të ndryshme me interesin e përgjithshëm të qytetarëve.
Me gjerësisht, mbledhjen e Kuvendit të Komunës së Drenasit të datës 31.08.2022 mund ta ndiqni në ueb faqen zyrtare të Komunës në rrjetin social Facebook dhe në kanalin YouTube ne këtë linqe; https://www.youtube.com/watch?v=hopNvTL6vz4
https://www.facebook.com/komunadrenas
