Në mbledhjen e mbajtur të KKSB-së, është diskutuar për mbrojtjen e pyjeve dhe hamullorëve në sezonin e verës, për sigurinë në Komunikacion me theks të veçantë gjendja në rrugën magjistrale Prishtinë-Pejë, përkatësisht në Korroticë të Epërme nga kafshët dhe diskutime në pika tjera të sigurisë së përgjithshme ne vend.
Mbledhjen e KKSB-së e ka hapur kryetari i Komunës, z.Nexhat Demaku dhe ka prezantuar para anëtarëve pikat e rendit të ditës, ndërsa pas fjalimit të tij edhe është hapur diskutimi. Fillimisht në pikën e parë të rendit të ditës, Ragip Nishori ka prezantuar raportin e gjashtëmujorit të parë të këtij viti për djegien e pyjeve. Kurse nga diskutimet e bëra nga anëtaret e KKSB-së është nxjerr rekomandimi që t’i behën thirrje qytetarëve të kenë kujdes gjatë sezonit të verës që të mos bëjnë zjarrëvenie të qëllimshme ne hamullore dhe në pyje. Në pikën e dytë të rendit të ditës për sigurinë në komunikacion, fillimisht komandanti i Stacionit Policorë të Drenasit, z.Driton Morina ka paraqitur raportin e gjashtëmujorit të parë të këtij viti për numrin e aksidenteve dhe më pas edhe është diskutuar çështja e sigurisë në komunikacion. Kryetari i Komunës, z.Nexhat Demaku ka ngritur si shqetësim të sigurisë në komunikacion rastin e rrugës magjistrale Prishtinë-Pejë, saktësisht në Korroticë të Lartë që ka pasur raste edhe me fatalitet. Demaku ka thënë se kjo rrugë e një rëndësie të veçantë duhet të këtë rrugë ndihmëse nga Arllati deri të “Kroi i Mbretit” dhe të gjendet një zgjidhje për kafshët të cilat rrezikojnë sigurinë e udhëtarëve. Idzir Hysenaj, anëtar në KKSB përfaqësues nga biznesi, ka propozuar që Komuna t’i adresohet nivelit qendror me kërkesë për të pasur rrugë ndihmëse përgjatë shtrirjes së kësaj rruge. Në pikën e ndryshme është diskutuar çështja e fëmijëve që kërkojnë lëmoshë në rrugë dhe i është kërkuar organeve të sigurisë të bëjnë një kontroll me të madhe për identifikimin e këtyre rasteve. Takimi i KKSB-së është përmbyllur me rekomandimet e nxjerrura për të shtuar sigurinë e përgjithshme të Drenasit.
