Mbahen dëgjimet buxhetore në bashkësinë e Dobroshecit, Tërstenikut dhe Baicës
Duke zbatuar rekomandimet nga Instituti Kombëtarë i Shëndetësisë Publike, përdorimin e maskave dhe mbajtja e distancës, kanë filluar dëgjimet buxhetore për të diskutuar buxhetin për vitin e ardhshëm dhe projeksionit për vitet 2022-2023.
Pas marrjes së Qarkores Buxhetore 2021/01 të lëshuar nga Ministria e Financave, takimi i parë është mbajtur në bashkësinë e Dobroshecit me banorët e fshatrave, Dobroshec, Godanc, Gradicë, Likoshan, Gllanasellë dhe Çikatovë e Vjetër, pastaj takimet kanë vazhduar edhe në bashkësinë e Tërstenikut me banorë të Tërstenikut I dhe II, Shtuticë, Vërboc e Polluzhë. Po ashtu dëgjimet buxhetore janë mbajtur edhe në bashkësinë e Baicës me banorë të fshatrave, Abri, Tërdec, Baicë, Krajkovë e Damanek.
Në dëgjimet buxhetore merrnin pjesë, nënkryetari i Komunës, Nazmi Hasi, drejtor të drejtorive komunale, përfaqësues të vendbanimeve dhe përfaqësues të lagjeve.
Dëgjimet buxhetore janë mbajtur me këtë rend dite; informata e përgjithshme lidhur me buxhetin komunal 2021-2023, lista e investimeve kapitale sipas vendbanimeve dhe kërkesat e banorëve.
Synimet e Komunës së Drenasit në këto dëgjime buxhetore për planifikimin e buxhetit për vitet 2021-2023, janë që të shpalosin para qytetarëve procedurën e shpërndarjes së parasë publike, ndërsa nga qytetarët të marrin kërkesat e tyre për projektet që janë në interes të vendbanimeve ku ata jetojnë.
Të pranishmëve, përpos që i është shpërndarë materiali informues i linjave buxhetore dhe draft-lista e investimeve kapitale, po ashtu edhe i është sqaruar nga të pranishmit rëndësia e këtyre dëgjimeve, ndërsa të pranishmit kanë dhënë sugjerimet e tyre, kërkesat dhe projektet që janë me interes të përgjithshëm të kryhen në vitin e ardhshëm.
Të pranishmit në këto takime, bashkësinë lokale të Dobroshecit, Tërstenikut e Baicës, janë njoftuar se projektet për vitet e ardhshme nuk do të këtë vetëm nga draft-lista që kanë para vetës dhe propozimeve që ata japin, por edhe projektet të tjera nga Qeveria e Republikës së Kosovës.
Ndryshe, buxheti i Komunës për vitin 2021 do të jetë rreth 16 milion, kurse për investime kapitale për realizimin e projekteve do të jenë afër 4 milion.
Dëgjimet buxhetore të do të vazhdojnë të mbahen edhe nesër (20.08.2020). Duke filluar nga ora 10:30 në shkollën e fshatit Arllat, “Abedin Bujupi” do të mbahet dëgjimi me banorët e fshatrave; Arllat, Llapushnik, Negroc, Vuçak dhe Gjurgjicë. Në ora 13:10 në shkollën “Xheladin Gashi-Plaku” në Komoran do të mbahen dëgjimet me banorët e fshatrave; Komoran I, II, III dhe IV, Kizhnarekë, Nekoc, Fushticë e Ulët dhe e Epërme, Korroticë e Ulët dhe e Epërme, Zabel i Ulët dhe i Epërm dhe Sankoc. Ndërsa po me këtë datë (20.08.2020) duke filluar nga ora 14:45 në shkollën “Rasim Kiçina” në Drenas do të mbahet dëgjimi buxhetor me banorët e Drenasit I, II dhe III, Poklek i Ri dhe i Vjetër, Vasilevë, Gllobar dhe Shtrubullocë.
Ju mirëpresim të jeni pjesë e dëgjimeve për planifikimin e buxhetit për vitin 2021 dhe projeksionit për vitet 2022-2023.
