Kuvendi Komunal i Drenasit ka mbajtur mbledhjen e jashtëzakonshme për rishikimin e buxhetit komunal, ne të cilën ishin të pranishëm: Kryetari i Komunës, z.Nexhat Demaku, kryesuesi i Kuvendit, z.Naim Bazaj, nënkryetari i Komunës drejtorë te Drejtorive komunale, këshilltarët komunal, përfaqësues të OSBE-së, KFOR-it dhe nga shoqëria civile.
Në seancën e jashtëzakonshme të Kuvendit Komunal është marrë vendim për rishikimin e buxhetit të Komunës për vitin 2013. Buxheti i Komunës është analizuar dhe rishikuar në të gjitha programet dhe nënprogramet buxhetore dhe janë bërë disa ndryshime për të marrë pastaj edhe aprovimin e Kuvendit për t’u derguar në Ministrinë e Financave.
