Klubi i Volejbollit "Drenasi" për të dytën herë ka organizuar turnirin për nder të Ditës së Çlirimit të Drenasit dhe Ditës së Dëshmorëve. Turniri është zhvilluar në Palestrën Sportive në Drenas dhe kanë marrë pjesë 4 klube të Volejbollit.
Në ndeshjen e parë të këtij turniri është takuar Klubi i Volejbollit "Skenderaj" nga Skenderaj me Klubin e Volejbollit "Drita" nga Gjilani dhe ndeshja ka përfunduar 2:1 në favor të KV "Skenderaj". Në ndeshjen e dytë të turnirit loja është zhvilluar mes KV "Drenasi" dhe KV "Kastrioti" nga Ferizaj dhe ndeshja përfundoj 2:0 në favor të KV "Drenasi". Ndërsa në finale u takuan KV "Drenasi dhe KV "Skenderaj" dhe ndeshja përfundoi 2:1 në favor të KV "Drenasi" ku edhe u shpall fitues i këtij turniri. Vendi i dytë i takoi KV "Skenderaj", të tretin KV "Drita" dhe në vendin e katërt KV "Kastrioti". Ndërsa lojtarja më e mirë e këtij turniri u shpall Halime Kurrumeli nga KV "Drenasi". Organizatorët e këtij turniri në fund shtruan drekë të përbashkët me klubet pjesëmarrëse.
