Kryetari i Komunës së Drenasit, z. Ramiz Lladrovci i shoqëruar nga bashkëpunëtorët, kanë pritur në takim Zëvendëspërfaqësuesin e Sekretarit të Përgjithshëm të OKB-së për Kosovë, z. Christopher Kollman dhe përfaqësuesin e UNMIK-ut, z. Leonid Markaryan me stafin e tyre, me të cilët kanë diskutuar çështje të rëndësishme për Komunën e Drenasit, ndërsa përfaqësuesit e UNMIK-ut dhuruan Komunës së Drenasit një veturë për nevojat e Komunës.
Kryetari Lladrovci i falënderoj të pranishmit për vizitën e tyre, meqë ishte takimi i parë, prezantoj një historik të shkurtër për Komunën e Drenasit, prej luftës së dytë botërore e deri më sot. Ai njoftoi të pranishmit për mbajtjen e zgjedhjeve të jashtëzakonshme në fundvitin e kaluar dhe vlerësoj se ato kishin treguar një frymë demokratike, foli për ekonominë, përkatësisht për Parkun e Biznesit ekzistues dhe projekti për Parkun e ri përballë tij, sigurinë publike dhe stabilitetin në Drenas në mos përfshirjen e asnjë qytetari në luftën e terrorizmit, mjedisin (Feronikelin), luftën kundër korrupsionit, tolerancën ndërfetare, rreth deponimeve ilegale, papunësisë, resurset që ofron Komuna për zhvillimin ekonomik, vendosjen e bizneseve vëndore e ndërkombëtare, për strategjinë e Komunës në ofrimin e investitorëve dhe çështjeve të tjera.
