Gjatë qëndrimit të tij në Austri, kryetari i Komunës së Drenasit, Ramiz Lladrovci ka takuar kryetarin e komunës së Melk-ut, Thomas Widrich me të cilin ka diskutuar për mundësitë e bashkëpunimit mes dy institucioneve lokale dhe i ka bërë ftesë të vizitojë Komunën e Drenasit.
Kryetari Lladrovci ka takuar edhe deputetin e njësisë federale të Niederosterreich, Emmerich Ëiederbauer, përfaqësues i partisë së të gjelbërve me të cilin ka biseduar për ambientin, rregullimin e ujërave dhe rregullimin hapësinor.
Lladrovci ka zhvilluar po ashtu një vizitë edhe në Kështjellën Stift Melk, e ndërtuar në stilin Barok, ku Pater Karl kishte organizuar një pritje dhe ka dhënë shpjegime rreth rëndësisë së trashëgimisë kulturore.
Kryetari Lladrovci ka vizituar edhe Bibliotekën e njësisë federale të Austrisë, Niederosterrich në St.Polten ku është njoftuar për së afërmi me pasurin e kësaj biblioteke me libra të vjetër si dhe njësitë që lidhen me inxhinierin e shquar shqiptar të lindur në Venedik, Karl Gega, i cili i shpall doktor i matematikës në moshën 17 vjeçare, projektues dhe realizues i hekurudhave në mesin e të cilave, më i famshi është viadukti i Semeringut.
