Kryetari i Komunës së Drenasit, z. Ramiz Lladrovci ka pritur në takim ministren e Ministrisë së Drejtësisë, znj. Dhurata Hoxha me të cilën ka bashkëbiseduar për respektimin e Ligjit, barazisë gjinore, e drejta në trashigimi nga femrat dhe çështje të tjera që janë në interes të vendit. Ministrja Hoxha ka siguruar kryetarin Lladrovci për përkrahjen e parezervë nga Ministria e Drejtësisë. Kryetari Lladrovci ka falendëruar ministren Hoxha për vizitën dhe ka njoftuar për gjendjen në Komunën e Drenasit. Ai ka thënë se me fillimin e mandatit si kryetar Komune, ka respektuar Ligjin duke pezulluar katër zyrtar që kanë të ngritur aktakuzë dhe dy drejtor të drejtorive, ndërsa për të respektuar barazinë gjinore ka emëruar pesë drejtoresha dhe dy ushtruese të detyrës në shkolla fillore. Ministrja e Ministrisë së Drejtësisë, znj. Dhurata Hoxha fillimisht ka uruar kryetarin Lladrovci për poziten e kryetarit të Komunës dhe ka përkrahur vendimet e tij për respektimin e Ligjit ndaj atyre që kanë të ngritur kallëzime penale dhe për respektimin e barazisë gjinore në institucionet vendimarrëse. Ministrja Hoxha ka thënë se do të jenë në përkrahje të parezervë për Komunën e Drenasit.
