Kryetari i Komunës së Drenasit, z. Nexhat Demaku ka pritur në takim drejtorin e Kompanisë Regjionale "Pastrimi" z. Feim Salihu ku kanë biseduar për të arriturat e përbashkëta, për sfidat, detyrat dhe përgjegjësit që i presin ne të ardhmen në fushën e menaxhimit të mbeturinave.
Drejtori i Kompanisë "Pastrimi", z. Salihu ka falenderuar kryetarin Demaku për përkrahjen e vazhdueshme dhe angazhimin e tij personal në zgjerimin e shërbimit të menaxhimit të mbeturinave në gjithë territorin e Komunës së Drenasit, më ç’rast është krijuar edhe një bazë e mirë dhe e qendrueshme financiare për kompaninë. "Komuna e Drenasit, është komuna më e suksesshme në fushën e zgjerimit për menaxhimin e mbeturinave me të cilat operon kompania Pastrimi, ndaj falenderoi kryetarin dhe gjithë stafin e tij për angazhimin e pakursyer në këtë drejtim që ka reflektuar edhe tek kompania me një qëndrueshmëri me të mirë financiare", ka thënë drejtori Salihu. Ndërsa kryetari Demaku ka falenderuar drejtorin Salihu dhe është zotuar se do të realizohën të gjitha kërkesat dhe objektivat në projektin për zgjerimin e menaxhimit të mbeturinave. Kryetari Demaku dhe drejtori Salihu janë dakorduar që bashkëpunimi të vazhdoi edhe më tutje, pasi që në sajë të këtij bashkëpunimi dhe suksesi arrihet edhe granti nga banka gjermane që Komuna e Drenasit është në mesin e 16 komunave në garë për të përfituar grantin në fushën e ambientit.
