Kryetari i Komunës së Drenasit, z. Nexhat Demaku, priti në zyrën e tij Kryesuesin e Zyrës së Bashkimit Evropian në Kosovë dhe Përfaqësuesin Special të BE-së, z. Samuel Zhbogar, i cili e vizitoi Komunën e Drenasit si pjesë të fushatës “Është koha për Evropë”.
Kryetari Demaku falenderoi z. Zhbogar për vizitën dhe njoftoi për territorin dhe popullsinë e Komunës, rreth bashkëpunimit dhe projekteve të financuara nga Komisioni Evropian, Parkut të Biznesit, çështjen e riatdhesimit dhe sfidat në Komunën e Drenasit. Gjithashtu u shkëmbyen dhurata nga të dy palët.
Pas takimit në zyre, Kryetari Demaku dhe z. Zhbogar dhanë një deklaratë për media, pastaj mbajti një ligjëratë nxënësve të Gjimnazit "Gjergj Kastrioti – Skënderbeu", dhe në fund vizituan projektin e BE-së – renovimi i oborrit të shkollës fillore "Rasim Kiçina " në Drenas, zbatuar në kuadër të Programit të BE – “Kosova e bukur”.
