Kryetari i Komunës së Drenasit, z. Nexhat Demaku priti sot në zyrën e tij Menaxheren e KPMG-së, Znj. Annie Gjollma, CA, ku u informua gjerësisht për projektin e nisur nga Banka Evropiane për Rindërtim dhe Zhvillim (BERZH) dhe Banka Gjermane Kreditanstalt fur Wiederaufbau (KfW) për strukturimin dhe implementimin e një Fondi për Zhvillimin e Infrastrukturës në Komuna, që të mundësohet financimi i investimeve në infrastrukturë në zonat e Komunave.
Fondi është fokusuar në njësitë e vogla dhe të mesme të Pushtetit Vendor, në ndërmarrjet e Shërbimeve Publike, ndërsa shuma e financimit për cdo projekt është parashikuar të jetë midis 100,000 Euro deri ne 5,000,000 Euro dhe do të jepet në formën e huamarjes, së bashku me bankat që janë prezente në vendin tone.
Në takim u bisedua për nisjen e implementimit të projektit dhe kryerja e një studimi të tregut nga KPMG, ku qëllimi i studimit mbulon këto fusha të cilësuara si të rëndësishme në lidhje me projektin:
• Baza ligjore që rregullon humarjen nga Njësitë e Pushtetit Vendor si dhe prokurimin publik që ekziston në lidhje me huamarjen.
• Nevojat e huamarrësve të mundshëm, prioritetet si dhe eksperienca aktuale në lidhje me investimet në infrastrukturë në Komuna.
• Eksperienca aktuale e bankave lidere në fushën e dhënies së kredive njësive të Pushtetit Vendor si dhe interesimi i këtyre bankave për të qenë partnerë me Fondin.
Në takim u bisedua për nisjen e implementimit të projektit dhe kryerja e një studimi të tregut nga KPMG, ku qëllimi i studimit mbulon këto fusha të cilësuara si të rëndësishme në lidhje me projektin:
• Baza ligjore që rregullon humarjen nga Njësitë e Pushtetit Vendor si dhe prokurimin publik që ekziston në lidhje me huamarjen.
• Nevojat e huamarrësve të mundshëm, prioritetet si dhe eksperienca aktuale në lidhje me investimet në infrastrukturë në Komuna.
• Eksperienca aktuale e bankave lidere në fushën e dhënies së kredive njësive të Pushtetit Vendor si dhe interesimi i këtyre bankave për të qenë partnerë me Fondin.
