Kryetari i Komunës së Drenasit, z.Nexhat Demaku ka pritur një takim Petrit Kelmendi, këshilltar i Ministrit të Arsimit, Shkencës e Teknologjisë dhe Hajdar Paqarada, Drejtor i Inxhinierisë në Ministrinë e Administratës Publike ku është njoftuar së në bashkëpunim më këto tri organizata buxhetore do të ndërtohet shkolla në fshatin Llapushnik, renovimi i dy objekteve shkollore dhe ndërtimi i infrastrukturës në dy shkolla të tjera.
Në këtë takim janë dakorduar që projektet ideore për investimet në objekte shkollorë t’i kryej Komuna e Drenasit, ndërsa procedurat e shpalljeve Ministria e Administratës Publike. Në kuadër të këtij memorandumi, do të ndërtohet gjatë këtij viti shkolla fillore në fshatin Llapushik, ndërtimi i aneksit dhe renovimi i shkollës fillore në Komoran, ndërtimi i infrastrukturës së shkollës fillore në fshatin Kishnarekë, ndërtimi i infrastrukturës së shkollës fillore në Gllobar dhe renovimi i shkollës në Korroticë të Lartë.
