Drenas, 14 qershor 2011 – Me aktivitete të shumta kulturore e sportive, Drenasi ka kremtuar Ditën e Çlirimit 14 Qershorin, që është e përcaktuar edhe si Dita e Dëshmorëve.
Kryetari i Komunës së Drenasit. Z. Nexhat Demaku, Nënkryetari, z. Sherif Krasniqi me Drejtorët e Drejtorive Komunale dhe zyrtarë tjerë komunal, si dhe përfaqësues të Shoqatave të Dala nga Lufta e UÇK-së, që herët kanë bërë homazhe te varrezat e dëshmorëve duke filluar me nderime para shtatores së komandantit legjendar Adem Jashari. Pastaj u mbajt seancë solemne e Kuvendit Komunal, ku me prezencën e tyre na nderuan z. Adem Demaçi dhe z. Zeqir Gërvalla.
Akademi përkujtimore u mbajt në Sallën e Kulturës, Kryetari i Komunës së Drenasit, z. Nexhat Demaku, tha se Komuna e Drenasit ka arritur të ndërtohet dhe të zhvillohet me hapa të mëdhenjë dhe në këtë mënyrë qyteti është shëndrruar në një qendër të zhvilluar në të gjitha fushatë. Kryetari Demaku potencoi kontributin e dëshmorëve dhe të rënëve për liri, si bazament për ndërtimin e vendit. Ai përkujtoi, se Komuna që drejton është përkujdesur për mirëqenie të Familjeve të Dëshmorëve, të Invalidëve dhe të Veteranëve të Luftës së UÇK-së, si dhe për Familjet e Viktimave të Luftës. Kryetari Demaku ka shtuar, se prioritet e Komunës janë zbatuar në infrastrukturën rrugore duke siguruar se brenda vitit të gjitha fshatrat e Komunës do të bëhen me rrugë të asfaltuara. Gjithashtu përmendi edhe investimet në infrastrukturën shkollore dhe në shëndetësi, duke mos lënë anash as problemet tjera me të cilat përballet, varfëria dhe papunësia.
Duke filluar nga ora 18:00 u mbajt manifestim qendror – program festiv në Sheshin „Fehmi Lladrovci“ hartuar me këngë e valle popullore dhe argëtuese, ku me prezencën e tyre na nderuan aktori shqiptar (Artisti i Popullit), Reshat Arbana nga Tirana dhe Ansambli Shtetëror nga Shqipëria.
Programi zgjati deri në oret e vona.
Ndërsa aktivitetet sportive filluan nga data 9 deri më 13 qershor 2011.
Në turnir në futboll të vogël: Morën pjesë të gjitha Institucionet e ftuara të Komunës së Drenasit. Ndeshjet u zhvilluan në fushën sportive ,,Hasi sport”, ku u arritën këto rezultate:
– Vendi i parë ekipi i SH.M.T “Fehmi Lladrovci”
– Vendi i dytë ekipi i PTK-së në Drenas
– Vendi i tretë ekipi i Gjimnazit,,Gjergj Kastrioti-Skënderbeu”
Ndërsa lojtari më i mrë u zgjodh Lulzim Demaku nga MFSK dhe portieri më i mirë u zgjodh Xhavit Kiqina –SHPK
Turnir në Ping-pong: Në këtë turne morën pjesë shumë ping-pongist të Komunës së Drenasit dhe u arriten këto rezultate:
– Vendin e parë Fazli Cakiqi
– Vendin e dytë Halit Krasniqi
– Vendin e tretë Shpend Bogiqi
Ndërsa lojtari ma përspektiv u zgjodh Gent Hoxha.
Turnir në shah: Në këtë turnir morën pjesë shumë shahist nga instuticionet dhe klubi i shahut “Feronikeli”, ku u arritën këto rezultate:
– Vendin e parë Fatmir Qorri
– Vendin e dytë Hetem Istogu
– Vendin e tretë Ymer Hysenaj
Ndërsa shahisti më i mirë u zgjodh Sokol Gashi.
Të gjitha ekipet dhe individët u nderuan me mirënjohje për pjesëmarrje, kupa, trenerka, dresa sportive, topa, shaha dhe reketa ping-pongu.
