Drejtoria e Shërbimeve Publike dhe Emergjencë, në Komunën e Drenasit ka mbajtur takimin e dytë për këtë vit, ku ka caktuar prioritetet në fushën e menaxhimit të mbeturinave. Të pranishëm në këtë takim ishin, drejtoresha e Shërbimeve Publike, Hyrije Xhemajlaj-Thaqi, përfaqësuesja e organizatës gjermane GIZ, Drita Binaj me të cilët Komuna ka memorandum bashkëpunimi, përfaqësues të ndërmarrjes "Pastrimi" dhe organizatës CEAE. Në këtë takim janë caktuar detyrat dhe përgjegjësit që e presin Komunën gjatë këtij viti ne fushën e menaxhimit të mbeturinave. Me theks të veçantë temë diskutimi ishte; përgatitja e propozim vendimit për Kuvend të Planit Komunal për Menaxhimin e Mbeturinave, ku në këtë plan kanë punuar gjatë gjithë viti të kaluar ekspert të fushave ne menaxhim të mbeturinave, për riorganizimin e qendrës së qytetit, zgjerimin e shërbimit në menaxhim të mbeturinave, draftimi i rregullores për menaxhim të mbeturinave dhe përmbushja e kritereve për aplikim për grante në Bankën gjermane, ku konkurrent janë 16 Komuna të Kosovës. Drejtoresha e DSHPE-së, Hyrije Xhemajli-Thaqi tha se "përpos këtyre pikave që janë shumë të rëndësishme në fushën e menaxhimit të mbeturinave, duhet të punohet edhe ne implementimin e udhëzimit të ri administrativ për gjoba mandatore, ku është shumë e rëndësishme implementimi në teren, sidomos në qendër dhe zonat ku ofrohet shërbimi, ku një numër i qytetarëve nuk e pranojnë shërbimin dhe mbeturinat i hedhin në vende tjera. Mundësin e shqiptimit të gjobes, sipas këtij udhëzimi e kanë Policia e Kosovës, inspektori i ambientit dhe ai sanitar dhe persona të tjerë të autorizuar", ka thënë drejtoresha Thaqi. Kurse përfaqësuesja e GIZ-it, Drita Binaj, ka falënderuar Komunën e Drenasit që kanë qenë çdo herë të gatshëm rreth bashkëpunimit në projektin për menaxhimin e mbeturinave. Ajo ka shtuar se projekti i GIZ-it do të vazhdoj këtë vit dhe ne të ardhmen të mbështesin Komunën e Drenasit për implementimin e projektit që kanë edhe memorandum bashkëpunimi.
