Komuna e Drenasit zyrtarisht të merkurën ka hapur Qendren Informative Komunale për Bujqësi për ngritjen e efikasitetit të shërbimit këshillimor për fermerë dhe palët tjera të interesit.
Me këtë rast, kryetari i Komunës së Drenasit, z. Nexhat Demaku tha se hapja e kësaj qendre informative dhe këshilldhënese për Komunën e Drenasit ka një rendësi të veçant për të zhvilluar edhe me tutje sektorin e bujqësisë. "Ky takim është i rendësishëm për Komunën tonë, ku përmes kësaj zyre do të merr një mundësi edhe me të madhe zhvillimi i bujqësisë dhe për juve fermer do të krijohën lehtësira. Komuna vazhdimisht ka përkrahur këtë sektor të rendësishëm dhe do të vazhdoj edhe ne të ardhmën që fermerët të kenë një lehtësim në veprimtarinë e tyre", ka thënë Demaku. Kurse Hysni Thaçi drejtor i Departamentit për Shërbime Këshillimore Teknike në Ministrinë e Bujqësisë,tha se kjo qendër informative do të ofroj infrastrukturë fizike me anë të së cilës të arrij standardet profesionale këshillimore dhe kushtet e performancës nëpër të gjitha komunat. Ndërsa drejtori për Bujqësi dhe Zhvillim Eknomik në Komunën e Drenasit, Skender Hasi tha se përmes këshilltarit komunal për bujqësi dhe zyrës informative ne veçanti, fermerët do të bashkëpunojnë dhe do ju krijohet një ambient i punës më efikas dhe frytëdhënëse që Drenasi të vazhdon me traditën e zhvillimit në sektorin e prodhmitarisë bujqësore drejt zhvillimit të një bujqësie intenzive moderne. John Mc Cormack, udhëheqës i projektit të BE-së, ka thënë se ky projekt do t’i mundësoj fermerëve të Komunës së Drenasit që me lehtë ti çasën projekteve dhe donacionave të ndryshme nga BE-ja dhe organizatat e ndryshme ndërkombëtare dhe vendore. Në këtë takim të orgnizuar nga Komuna e Drenasit, përktatësisht nga Drejtoria për Bujqësi dhe Zhvillim Eknomik merrnin pjesë edhe dhjetra fermër të Komunës së Drenasit të cilët i gëzoheshin faktit për mundësimin e këshillimit përmes zyrës informative.
