Duke parë rendësin dhe interesimin e bletarëve të Drenasit për rritjen e kapaciteteve të tyre, drejtoria e Bujqësisë dhe Zhvillimit Ekonomik ka subvencionuar 100 koshere.
Komuna e Drenasit, përkatësisht Drejtoria e Bujqësisë dhe Zhvillimit Ekonomik është duke vazhduar përkrahjen e fermerëve në sektorë të ndryshëm ku këtë herë ka subvencionuar bletarët me koshere për bletë. Duke pas parasysh kërkesat, rendësin dhe interesimin e bletarëve të Komunës së Drenasit për rritjen e kapaciteteve të tyre me këtë veprimtari, këtë vit kjo drejtori ka ndarë 4 mijë euro në realizimin e projektit “furnizimi me koshere për bletë”. Drejtori i DZHBE-së, Skender Hasi ka thënë se realizimi i këtij projekti ka qenë shumë i arsyeshëm për të përkrahur edhe sektorin e bletarisë duke i ndihmuar me koshere bletësh ata fermer që kanë pasur mbi 5 koshere. Komisioni Komunal në bazë të kritereve të caktuara ka bërë përzgjedhjen e bletarëve dhe me këtë rast janë shpërndarë 100 koshere dhe kanë përfituar 77 bletarë. Drejtori Hasi ka thënë se ne mënyrë që të stimulohen bletarët për vitin tjetër kanë planifikuar buxhet më të madh dhe të gjithë bletarët e regjistruar ne këtë drejtori do të furnizohen me të gjitha pajisjet e nevojshme për ushtrimin e kësaj veprimtarie atraktive dhe mjaft profitabile.
