Për nder të 5-vjetorit të shpalljes së Pavarësisë së Republikës së Kosovës, Komuna e Drenasit ka mbajtur aktivitete të shumta, me këtë agjendë:
Akademi Solemne u mbajt në Sallë të Kulturës duke filluar nga ora 13:00, e cila u nda në dy pjesë: pjesa foljore dhe pjesa artistike. Të pranishëm ishin një numër i madh i qytetarëve, familjet e dëshmorëve dhe martirëve. Akademinë e hapi me një fjalë rasti, Kryetar i Komunë së Drenasit, z. Nexhat Demaku. Ndërsa Prof. Agron Morina e paraqiti një historik të 5-vjetorit të Pavarësisë së Kosovës dhe na nderoi me prezencën e tij aktori i mirënjohur Lleshë Nikolla nga Shqipëria i cili u paraqit me një monolog kushtuar luftës së Kosovës. Në fund u dha një program kulturo-artistik me këngë e valle nga SHKA “Shotë Galica”.
Mbledhje Solemne e Asamblesë Komunale u mbajt në Sallë të Kuvendit, duke vazhduar me bërjen e homazheve në varreza të Dëshmorëve.
Në Sallën e Kulturës u mbajt koncert për të rinj ku para publikut me pika të zgjedhura u paraqitën: Besart Halimi, Kosovare Hasi, Drenusha Latifi etj
Ndërsa në Sektori i Sportit për këtë manifestim u mbanë këto aktivitete:
Turnir në futboll të vogël me institucione komunale ku morën pjesë 12 ekipe. Vendin e parë e zuri Gjimnazi ”Skënderbeu” Drenas. Vendin e dytë SHMT “Fehmi Lladrovci” dhe vendin e tretë PTK Drenas. Lojtari më i mirë u zgjodh Zeqir Hasi. Portieri më i mirë Agron Dubovci. Golashënuesi më i mirë Skënder Halilaj. Për më të mirët u dhanë shpërblime (kupa, trenerka, fanella sportive dhe topa).
Ndërsa në turnir individual në shah ku morën pjesë 32 garues, vendin e parë e zuri Fatmir Qorri, vendin e dytë e ndanë Hetem Istogu dhe Gëzim Gashi ndërsa vendin e tretë e zuri Sokol Gashi. Për më të mirët u ndanë mirënjohje, kupa dhe shaha.
