Të shtunën, futbolli i Drenasit kremtoi triumfin më të lartë, fitoi titullin e kampionit në Ligën e Parë dhe u bë anëtar i Superligës së Kosovës. Me këtë rast, këtij ekipi iu dorëzua Kupa fituese e Kampionit të Ligës së Parë të Kosovës. Kryetari i Komunës, z. Nexhat Demaku përgëzoi këtë arritje të futbollistëve. Suksesi i ekipit të Drenasit ishte i pakontestueshëm gjatë tërë sezonit të sivjetmë futbollistik me fitoret e njëpasnjëshme brenda dhe jashtë terrenit të tyre. Me 57 pikë të grumbulluara, “Feronikeli” ishte i pakontestueshëm në fitoren e këtij titulli. Këto dhe mbështetja me mjete financiare nga Komuna dhe metalurgjiku i “Feronikelit”, si dhe donacione tjera janë faktorë që kanë motivuar energjitë e mëdha të djelmoshave të futbollit të Drenasit për të avancuar këtë lloj sporti në majat e tij në Kosovë.
Lidhur me kushtet e fushës për garat e KF “Feronikeli” në elitën e futbollit kosovar, Komuna është duke investuar për të kompletuar infrastrukturën e stadiumit.
