Janë bërë të gjitha përgatitjet për fillimin e korrjeshirjeve

Që kjo fushatë të ketë mbarëvajtje, Drejtori Hasi mban kontakte të rregullta dhe direkte jo vetëm me fermerë por edhe me pronarë të automjeteve për kryerjen e korrjeshirjeve. Me këtë qëllim, Skënder Hasi, Drejtor i Drejtoratit për Bujqësi dhe Zhvillim Ekonomik, sot ka mbajtur një takim me të gjithë autokombanjerët që do të operojnë në Komunën e Drenasit në mënyrë që t’i koordinojnë aktivitetet e tyre për një mbarëvajtje të kësaj fushate.  Me këtë rast Drejtori Hasi njoftoi të pranishmit se në Komunën e Drenasit këtë vit do të korren afro 4300 ha me drithëra të bardha dhe në bazë të gjendjes së tanishme të grurit priten rendimente mjaft të larta, gjithashtu u njoftuan për subvensionimin e derivative nga MBZHR.
Për kryerjen e kësaj fushate janë të gatshme të operojnë 60 autokombanja të cilat në bazë të konstatimit të komisionit përkatës janë në gjendje të rregullt për kryerjen e korrjeshirjeve.
Dhe në fund të gjithë pronarëve të autokombanjave ju shpërndanë vendimet mbi lartësinë e çmimit të shërbimeve të korrjeshirjeve në Komunën e Drenasit, i cili do të jetë  100 euro për nje hektar.
Pronarët e autokombanjave falenderuan Drejtorinë Hasi për organizimin e këtij takimi dhe bashkëpunimin me Komunën si dhe u dakorduan që ta formojnë Shoqatën e Autokombanjerëve të cilët operojnë në Komunën e Drenasit.