Inspektohen gastronomitë në Drenas
Drejtoria e Inspekcionit, është duke vazhduar në monitorimin e situatës së pandemisë, duke mbajtur nën kontrollë zbatimin e plotë të rekomandimeve nga Instituti Kombëtar i Shëndetit Publik (IKSHP), në të gjitha subjektet aktive në territorin e Drenasit, Institucionet publike dhe kompanitë private.
Pas hapjes së gastronomive me rëndësi të veçantë është mbikëqyrë zbatimi i masave mbrojtëse dhe respektimi i distancës sociale brenda tyre.
Në vazhdim është organizuar aksion i përbashkët me Policinë e Kosovës-Njësiti në Drenas, në kontrollë të këtyre subjekteve, ku nga punëtorët që punojnë në gastronomi, është kërkuar respektimi i të gjitha masave mbrojtëse (maska) dhe distanca e duhur brenda lokaleve si masë preventive për luftimin e COVID-19.
Duke pasur parasysh gjendjen e krijuar dhe rëndimin e situatës gjatë këtyre ditëve, lusim qytetarët e Komunës së Drenasit, që t’i përmbahen rekomandimeve të IKSHP-së, në mënyrë që të parandalohet përhapja e virusit dhe subjekteve tona të ju mundësohet zbatimi i plotë i këtyre masave.
Gjithashtu në rast se hasin në ndonjë parregullsi e cila bie në kundërshtim me rekomandimet e IKSHP-së, të lajmërojnë Drejtorinë e Inspekcionit në numrat e telefonit:
Tel.+38349978333, +38349977773, 03820040901
