Një delegacion i Komunës së Drenasit, i udhëhequr nga kryetari z Nexhat Demaku, kanë bërë homazhe në Kompleksin e Varrezave të Dëshmorëve në fshatin Shkabaj të Drenasit, me rastin e 12 vjetorit të rënies heroike të dëshmorëve Fehmi e Xhevë Lladrovcit, si dhe dëshmorëve tjerë, në luftën e lavdishme të Ushtrisë Çlirimtare të Kosovës për çlirimin e vendit nga ushtria dhe policia serbe.
Përveç anëtarëve të ngushtë të familjes, në këtë shënim kanë marrë pjesë personalitete të ndryshme nga jeta politike, veprimtarë shqiptare, ushtarakë të lartë të FSK-së, bashkëluftëtarë të Fehmiut e Xhevës, delegacione komunash si dhe të qytetarë të tjerë.Kryetari i Komunes z Nexhat Demaku u shpreh se vepra dhe sakrifica e Fehmi e Xhevë Lladrovcit nderuan jo vetëm Drenicën por gjithë kombin shqiptar.
